Kalasarvasva 10.776

10.776

avaśyaṃ karttavyaṃ snānaṃ narairnarakabhīrubhiḥ
apāmārgapallavañca bhrāmayecchirasopari
tataśca tarpaṇaṃ kāryaṃ dharmarājasya nāmabhiḥ
narakāya pradātavyo dīpaḥ sampūjya devatāḥ
narakāyetinivṛttyarthakatādarthye caturthīti prāñcaḥ760 | virodhilakṣaṇayā narakābhāvāyetyeke
citrākṛṣṇacaturdaśī
kārttike bhaumavāre tu citrā kṛṣṇacaturdaśī
tasyāmārādhitaḥ sthāṇurnayecchivapuraṃ dhruvam
yāṃ kāñcit saritaṃ prāpya kṛṣṇapakṣe caturdaśīm
yamunāyāṃ viśeṣeṇa niyataṃ tarpayet pumān
yamāya yamarājāya mṛtyave narakāya ca
audumbarāya dadhnāya nīlāya parameṣṭhine
vṛkodarāya citrāya citraguptāya vai namaḥ
ekaikaśastilairmiśrāṃstrīṃstrīn dadyājalāñjalīn
saṃvatsarakṛtaṃ pāpaṃ tatkṣaṇādeva naśyati
pāṣāṇacaturdaśī
bhaviṣye— vṛścike śuklapakṣe tu pāṣāṇasya caturdaśī
tasyāmārādhayedde vīṃ naktaṃ pāṣāṇabhojanaiḥ
aiśvaryaṃsaukhyasaubhāgyarūpāṇi prāpnuyānnaraḥ
māghakṛṣṇacaturdaśī
śatānandaḥ—māghe māsi raṭantyāpaḥ kṛṣṇapakṣe caturdaśīm
brahmaghnamapi caṇḍālaṃ kaṃ patantaṃ punīmahe
aruṇodayavelāyāmāraṭantyapi nityaśaḥ |⁷⁶²
yamaśca⁷⁶³— māghe māsyasite pakṣe raṭantyākhyā caturdaśī
tasyāmudayavelāyāṃ snāto nāvekṣate yamam
anarkābhyudite kāle kṛṣṇapakṣe caturdaśī
satāravyomakāle tu tatra snānaṃ mahāphalam
yāṃ kāñcit saritaṃ prāpya kṛṣṇapakṣe caturdaśīm
yamunāyāṃ viśeṣeṇa niyataṃ tarpayet pumān ||^
ubhayedyuraruṇodaye māghasaptamī nyāyāt pūrvadyuḥ snānam | smṛtisāragataṃ
parāruṇodayasnānaṃ tu prāk nirastam | aruṇodayaścaturnāḍikāḥ
śivarātriścaturdaśī
idaṃ vrataṃ nityam
varṣe varṣe mahādevi ! naro nārī pativratā
śivarātrau mahādevaṃ kāmaṃ bhaktyā prapūjayet
iti skānde^ vīpsādarśanāt
dvādaśābdikametat syāccaturviṃśābdikaṃ tathā
sarvān kāmānavāpnoti pretya ceha ca mānavaḥ
śivarātrivrataṃ nāma sarvapāpapraṇāśanam
ācāṇḍālaprasūtānāṃ bhuktimuktipradāyakam ||^
ityādivacanād dvādaśābdacaturviṃśābdāvṛttikaṃ sarvakāmadaṃ naramātrādhikārikam , na tvekadāvṛttikamiti mādhavīyakāraḥ^ | vastutastu, dvādaśacaturviṃśāvṛttau sarvakāmāptiḥ phalam | ekadāvṛttau tūktākṣayabhogaḥ, śramādhikye
phalabhūmaucityāt | naramātrādhikāraśca ekadāvṛttāvapi naro nārītyādivākyasiddhaḥ, anyathā vīpsāṃcāravirodha iti niṣkarṣaḥ | atra pūjopavāsajāgarāṇāṃ trayāṇāṃ samaprādhānyād vaiśvānaravidyānyāyenaitattraye samudāya eva
tad vratatvaṃ vyāsajyavṛttiriti mādhavācāryāḥ^ | tathāhi nāgarakhaṇḍe^—
upavāsaprabhāvena balādapi ca jāgarāt
śivarātrestathā tasya liṅgasyāpi ca pūjayā
akṣayām̐llabhate lokān śivasāyujyamāpnuyāt
pradoṣavyāpinī grāhyā śivarātriḥ śivapriyā |⁷⁷¹
vaiśvānaramupāste'tra pratyekasamudāyataḥ
vikalpaḥ, samudāyo vā niyato vividhāddhidheḥ
vikalpaḥ iti cenmaivaṃ samudāyapraśastitaḥ
avayutyānuvādena pratyekoktyupapattitaḥ || iti
ityādivacanāt
arddharātrādadhaścorddhavaṃ yuktā yatra caturdaśī
tattithāveva kurvīta śivarātrivrataṃ vratī ||⁷⁷²
arddharātrayutā yatra māghakṛṣṇacaturdaśī
śivarātrivrataṃ tatra so'śvamedhaphalaṃ labhet ||⁷⁷³
itīśānasaṃhitānāradavākyācca
pradoṣo'stamayādūrddhavaṃ muhūrttatrayamiṣyate |⁷⁷⁴
iti pradoṣabhānam | arddharātraśca janmāṣṭamīvatpūrvāparadaṇḍadvayopeto rātrermadhyamamuhūrttaḥ | saṅkrāntyādāvapyevam | tathā ca raghunandanaḥ⁷⁷⁵—arddharātro'tra
jayantīvadrātrermadhyadaṇḍadvayarūpo madhyamamuhūrttaḥ
mahāniśā dve ghaṭike rātrermadhyamayāmayoḥ
iti devalasmṛtau ghaṭikāpadasya daṇḍārthakatvāditi | yuktametat | ekatra
nirṇītasyārthasya bādhakaṃ vinā sthānāntare'pi sandehe tathaucityāt | athavā
pradoṣavyāpinī grāhyā śivarātricaturdaśī
rātrau jāgaraṇaṃ yasmāttasmāttāṃ samupoṣayet || iti
arddharātrādadhaścorddhavaṃ........
muhūrtto vijayo nāma yatra jāto janārddanaḥ
dvipañcanavamo'pīṣṭastrayodaśadināt param