Kalasarvasva 7.365.2

7.365.2

iti viṣṇudharmāt dvitīyā paraviddhā kāryā, upavāsaśabdasya vratārthatvāt
pratipat sadvitīyā syād dvitīyā pratipadyutā
iti āpastambavacanaṃ yamadvitīyāviṣayam, anantabhaṭṭīkārādibhi334stayoktatvādityācaṣṭe | tadubhayaṃ cintyam | pratipatsadvitīyetyatra pratipadaḥ kṛtsnāyā
grahaṇe tatsāhityena kṛṣṇadvitīyāyāḥ eva grahaucityāt | paredyustrimuhūrttavyāpinī dvitīyā paraviddhaiva kāryetivākyālābhāt | kiñca ṣaṣṭhyaṣṭamyādikamapyevaṃ syāt | tathā ca kṛṣṇapakṣe'ṣṭamī caive335tyādipūrvaviddhā0 vākyavirodhaḥ
api yugmādivākyenācāreṇāpi virodhaḥ | nāpi pratipatsadvitīyā syāditiyamadvitīyāviṣayam , tasyāḥ śuklatvāt | tasmāt smārttabhaṭṭācāryavyavasthā'tra336 sāram | tathāhi pratipatsadvitīyeti kṛṣṇapratipatsāhacaryāt
kṛṣṇadvitīyā pūrvaviddhā | yugmādivākyāt śuklā parā grāhyeti | evaṃ sati
dvitīyekādaśī ṣaṣṭhī tathā caivāṣṭamī tithiḥ
vedhādadhastāddhanyustā upavāse tithirutvamaḥ
ityādināradavacanaṃ tu kṛṣṇadvitīyāviṣayam | dvitīyādyāstṛtīyādiyutā
nopoṣyā ityarthāt | ekādaśyaṣṭamī ṣaṣṭhī cetyādibhṛguvacanaṃ śukladvitīyāparamiti na dvayoranyonyavirodhaḥ | yamadvitīyā'pi śuklatvāt parocitā,
viśeṣābhāvāditi dhyeyam
śrīguṇḍicā
skānde³³⁷—
āṣāḍhasya site pakṣe dvitīyā puṣyasaṃyutā
tasyāṃ rathe samāropya rāmaṃ māṃ bhadrayā saha
yātrotsavaṃ pravarttyātha prīṇayettu dvijān bahūn
ṛkṣābhāve tithau kāryā³³⁸ sadā sā prītaye mama
māṃ jagannātham | sā guṇḍicā
brāhme 339 —
guṇḍicāmaṇḍapaṃ yāntaṃ ye paśyanti rathe sthitam
kṛṣṇaṃ balaṃ subhadrāṃ ca te yānti bhavanaṃ hareḥ