Kalasarvasva 7.365.4

7.365.4

gṛhāṇa cārghyaṃ bhagavannamaste
dharmarāja ! namastubhyaṃ namaste yamunāgraja !
pāhi māṃ kiṅkaraiḥ sārddhaṃ sūryaputra ! namo'stu te
yamasvasarnamaste'stu yamune ! lokapūjite !
varadā bhava me nityaṃ sūryaputri ! namo'stu te
bhrātastavānujātā'haṃ bhuṅkṣva bhaktamidaṃ śubham
prītaye yamarājasya yamunāyā viśeṣataḥ
pañcame ca tathā bhāge saṃvibhāgo yathārhataḥ
pitṛdevamanuṣyāṇāṃ kīṭānāṃ copaddiśyate
saṃvibhāgaṃ tataḥ kṛtvā gṛhasthaḥ śeṣabhugbhavet
iyaṃ pūrvaviddhā dvitīyā grāhyeti anantabhaṭṭīkāroktaṃ³⁵1 nirmūlam | iyaṃ
yamadvitīyā vaiṣṇavasrmā
jyotiṣe³⁵²—
tasyāṃ yamadvitīyāyāṃ yātrāyāṃ maraṇaṃ dhruvam
atra⁰ vacanābhāvādanadhyāye bhramaḥ kṛtaḥ
tṛṛtīyā
sā ca rambhābrataṃ vinā sarvakarmasu caturthīyutā grāhyā
rambhākhyāṃ varjayitvā tu tṛtīyāṃ munisattama !
anyeṣu daivakāryeṣu gaṇayuktā praśasyate
iti brahmavaivarttāt³⁵³ | gaṇaścaturthī | āpastambo'pi³⁵⁴—
dvitīyāśeṣasaṃyuktāṃ tṛtīyāṃ kurute tu yaḥ
sa yāti narakaṃ ghoraṃ kālasūtraṃ bhayaṅkaram
etena yugmavākyaṃ rambhāyāṃ sāvakāśam | vivāhottaraṃ prathamaśuklatṛtīyāniśi
varakanyayoścandranirājanā0vidhirutkale pūrvaviddhāyāṃ samācāraḥ kṛtaḥ³⁵⁵ | sa
ca naimittikatvānmalamāse'pi kriyate
nityanaimittike kuryātprayataḥ sanmalimluce |³⁵⁶
iti vṛhaspativacanāt |⁰⁰
akṣayatṛtīyā
vaiśākhe māsi rājendra ! śuklapakṣe tṛtīyikā
akṣayā nāma sā proktā kṛttikārohiṇīyutā
tasyāṃ dānādikaṃ puṇyamakṣayaṃ samudāhṛtam ||³⁵⁷
bhaviṣye³⁵⁸—
vaiśākhe māsi rājendra ! tṛtīyā candanasya ca
kaladhautaṃ tathā dhānyaṃ ghṛtaṃ cāpi viśeṣataḥ