Kalasarvasva 7.409.1

7.409.1

iti vākyācca | vākyadvaye para eveti bhāvaḥ | tena dinadvaye madhyāhnavyāptau
jayāyogāt pūrvā grāhyā | evamubhayedyurmadhyāhnavyāptāvapi pūrvā | tathā ca
madhyāhnavyāpterekabhaktanyāyena ṣoḍhā bhede paredyureva madhyāhnavyāptau parā | itareṣu
pañcasu pakṣeṣu pūrvaiveti niṣkṛṣṭam | etena tithisāmānyataḥ pūrvaviddhāgrahoktyā
paradinamātre madhyāhnavyāptau pūrvadinagrahaṃ pratipādayan smṛtisārakāraḥ^
parāstaḥ | tithipadasya madhyāhnavyāpitithyarthakatve mānābhāvād gauravācca
vyāptiśca kṛtsnākṛtsnasparśamātramityuktam | bhaviṣye^—
vināyakaṃ samabhyarcya caturthyāṃ yadunandana !
sarvavighnavinirmuktaḥ kāryasiddhimavāpnuyāt || ityuktvā
nidrāṃ ratiṃ śivāṃ bhadrāṃ medhāṃ kīrttiṃ sarasvatīm
śraddhāṃ puṣṭiṃ tathā tṛṣṭiṃ tatraivāhani pūjayet
vidyākāmo viśeṣeṇa pūjayecca sarasvatīm || (ityuktam |)
laiṅge^—
caturthyāṃ tu gaṇeśasya gauryāścaiva vidhānataḥ
pūjāṃ kṛtvā labhetsiddhiṃ saubhāgyaṃ ca naraḥ kramāt
iti vacanānnidrāsarasvatyantānāmapyatra kāmanāvaśāt pūjā syāt | etena
yasyāṃ kasyāñciccaturthyāṃ gaurīgaṇeśau pūjayediti vadan divyasiṃho'nra^
vabhrāmetyavadheyam | smṛtisāramādhavādibhirgaṇeśacaturthyāmeva³⁸⁴ tadabhidhānāt
na ca māsi māsi gaṇeśapūjāpakṣe tatsiddhiriti vācyam | kṛṣṇacaturthīṣu
tadabhāvāt | na ca pratikṛṣṇacaturthyāṃ guptagaṇeśākhyapūjā'stīti śaṅkyam
tathāpi tatkramapūjakāpūjakasāmānyekterayuktatvācca | ekamāsaṃ dvimāsaṃ
vetyādipakṣā madhyāhnavyāpicaturthīgrāhakāḥ , māsikādau tithyādaravat
malamāsakarttavyatvañcetyādi prāṅniruktam
nāgacaturthī