Kalasarvasva 7.409.3

7.409.3

abhiśapto mithyāpavādākrāntaḥ | vākyaṃ yathā brāhma e393—
siṃhaḥ prasenamavadhīt siṃho jāmbavatā hataḥ
sukumāraka ! mā rodīstava hyeṣa syamantakaḥ
doṣanirāṣārthamidaṃ vākyaṃ paṭhet | gauḍāstu siṃhaḥ prasenenityanenābhimantritaṃ
jalaṃ pītvā''darāt syamantakopākhyānaṃ śravyamityāhuḥ394 | navaśakhyā navaḥ
śaśo malamāse'pi karttavyamiti³⁹⁵vacanānmalamāse'pi candradarśanaṃ niṣiddham
māghaśuklacaturthī
nāradīye³⁹⁶—
māghaśuklacaturthyāṃ tu gaurīmārādhayed budhaḥ
caturthī varadā nāma gaurīṃ tatra prapūjayet
saubhāgyamatulaṃ kuryātpañcamyāṃ śrīrapi śriyam°
ataḥ saubhāgyakāmo'trādhikārī | vratasāmānyāt sodayatrimuhūttò'sya
karmakālaḥ
jayā ca yadi saṃpūrṇā caturthī hrasate yadi
jayā saiva hi karttavyā nāgaviddhāṃ vivarjayet ||³⁹⁷
itivacanasya gaurīvrataviṣayatvenācāryairukteḥ³⁹⁸| pañcamīviddhāniṣedhāt paradine
sāmānyakarmakālavyāptāvapi pūrvamunneyam
pañcamī
iyaṃ caturthī yutā grāhyā yugmāt
pañcamī ca caturthyā tu kāryā ṣaṣṭhyā na saṃyutā
iti bhaviṣyapādmāt³⁹⁹
pañcamī ca prakarttavyā ṣaṣṭhyā yuktā tu nārada
iti brahmavaivarttoktaṃ⁴⁰⁰ skandopavāsaparam
skandopavāse svīkāryā pañcamī parasaṃyutā |⁴⁰¹
iti vākyaśeṣāt | aktāḥ śarkarā upadadhāti | tejo vai ghṛtamityādivat⁴⁰²
skandaṣaṣṭhīpūrvapañcamyāṃ skandopāsanāyopavāsaḥ syāditi śiṣṭāḥ⁴⁰³ | vastutaḥ
ṣaṣṭhyā yuktetyakāraḥ praśleṣyaḥ
manasādevīpañcamī
devīpurāṇe⁴⁰⁴supte janāddane kṛṣṇe pañcamyāṃ bhavanāṅgaṇe
pūjayenmanasādevīṃ snuhīviṭapasaṃsthitām
padmanābhe gate śayyāṃ devaiḥ sarvairanantaram
pañcamyāmasite pakṣe samuttiṣṭhanti pannagāḥ