Samvatsaradidhiti 10.1.8

10.1.8

grāhyā iti siddham | bhairavadarśanaṃ ca kālodake snātvā kāryamityuktaṃ kāśīkhaṇḍe—tīrthe kālodake snātvā kṛtvā tarpaṇatatparaḥ !
vilokya kālarājaṃ ca nirayāduddharetpitṝn | iti | pūjānte
trayorghyā deyāḥ | tatra mantrāḥ śivarahasye—bhairavārghyaṃ gṛhāṇeśa
bhīmarūpāvyayānagha | anenārghyapradānena tuṣṭo bhava śivapriya !
sahasrākṣiśirobāho sahasracaraṇājara | gṛhāṇārghyaṃ bhairavedaṃ
sapuṣpaṃ parameśvara | puṣpāñjaliṃ gṛhāṇeśa varado bhava bhairava
punararghyaṃ gṛhāṇedaṃ sapuṣpaṃ yātanāpaha | iti bhairavajayantīnirṇayaḥ
atra śuklapañcamyāṃ nāgapūjā prasiddhā dākṣiṇātyānām
dyotitā ca hemādrau skānde—śuklā mārgaśire puṇyā śrāvaṇe
yā ca pañcamī | snānadānairbahuphalā nāgalokapradāyinī | iti
iyaṃ pañcamī nāgapūjāyāṃ ṣaṣṭhīyutaiva grāhyā | pañcamī nāgapūjāyāṃ
kāryā ṣaṣṭhīsamanvitā | iti vacanātparaivetyuktaṃ tithidīdhitau
kuladharmāvirodhena caitat
atha campāṣaṣṭhī | tatsvarūpaṃ mallārimāhātmye-mārge bhādrapade śuklā ṣaṣṭhī vaidhṛtisaṃyutā | raviwareṇa saṃyuktā sā campetīha viśrutā | iti | viśākhābhaumayogena sā campetīha viśrutā | iti madanaratne | smṛtyantare tu-mārgaśīrṣe'male pakṣe
ṣaṣṭhyāṃ vārem̐'śumālinaḥ | śatatārāgate candre liṅgaṃ syādṛṣṭigocaram | iti śivaliṅgadarśanaṃ kāryamityarthaḥ | uktaprakārayogānāmanyataro yasyāṃ labhyate sā pūrvā parā vā grāhyā | yogābhāve tu
paraiva grāhyā | ṣaṣṭhī tu śastottareti dīpikokteḥ | skandavrate
tviyaṃ pūrvaivetyuktaṃ tithidīdhitau