Samvatsaradidhiti 6.p1.3

6.p1.3

bhavatā kṛtaḥ | santi tu pūrvāhṇasya karmakālatvabodhakāni sāmānyato viśeṣataśca pravṛttāni gauḍanibandhodāhṛtāni kānicidvacanāni | sāmānyatastāvatpūrvāhṇe daivikaṃ karmetyādi prasiddham
tathā nandipurāṇe-śaratkāle mahāpūjā kriyate yā ca vārṣikī
sā kāryoddayagāminyāṃ na tatra tithiyugmavet | iti | tathā
bhaviṣyottare-prātarāvāhayeddevīṃ prātareva praveśayet | prātaḥ
prātastu saṃpūjya prātareva vim̐sarjayet | iti | tathā devīpurāṇebhagavatyāḥ praveśādivisargāntāśca yāḥ kriyāḥ | tithāvudayagāminyāṃ sarvāstāḥ kārayedbudhaḥ | iti | tathā'nyatra-āśvinasya
site pakṣe pratipatsu yathākramam | sustrātastilatailena pūrvāhne pūjayecchivām | iti | tebhyaḥ pūrvāhṇasya pradhānakālatvāvagame sati
kathaṃ paradinavyāpinīṃ pratipadaṃ parityajya pūrvadine pradoṣavyāpinyā grāhyatvaṃ nirṇīyate | naca pūrvāhnakarmakālatvabodhakānyuktavacanāni mādhavādimahānibanddhālikhitatvānnirmūlānīti
vācyam | rātreḥ karmakālatvabodhakavacanānāmapi tvaduktānāṃ
mādhavādyanudāhṛtatvena nirmūlatvaśaṅkāyā anivāryatvāt | kiṃca
pūrvedyuḥ pradoṣamātravyāpinyāmaparāhnaprabhṛti tadvyāpinyāṃ vā na kalaśasthāpanaprabhṛti pūjopakramaḥ saṃbhavati | - ādyāḥ ṣoḍaśa nāḍīstu
labdhvā yaḥ kurute naraḥ | kalaśasthāpanaṃ tatra ariṣṭaṃ jāyate