Samvatsaradidhiti 6.p1.5

6.p1.5

rātripūjāyā eva prādhānyasya prāgupapāditatvāt aṣṭamyādau tatprādhānyasyāvaśyakatvācca | yadvā pūrvāhnasyānenānvayamaṅgīkṛtya tadaṅgatvameva svīkāryam |—āśvinasya site pakṣe pratipatsu yathākramam
susnātastailatailena pūrvāhṇe ca nṛpottama | puṇyāhavācanaṃ kṛtvā
dvijāṃścaiva prapūjayet | iti ḍāmarakalpavākyasaṃvādāt | yattu
ṣoḍaśanāḍikātyāgavacanaṃ tadapi kalaśasthāpanaviṣayaṃ—ādyāḥ
ṣoḍaśa nāḍīstu labdhvā yaḥ kurute naraḥ | kalaśasthāpanaṃ tatra ariṣṭaṃ jāyate dhruvam | iti vacanāntarasaṃvādāt | yaddhodyamārabhya
saṃpūrṇapratipadviṣayam |—śuddhe tithau prakartavyā pratipaccordhvagāminī | ādyāstu nāḍikāstyājyāḥ ṣoḍaśa dvādaśāpi vā | iti
devīpurāṇavacaḥsaṃvādāt | śuddhā vedharahitā | ūrdhvagāminī
aparāhnagāminītyarthaḥ | evamuktapradoṣavyāpipratipadi citrāvaidhṛtiyoge'pi na doṣaḥ | ārabhya navarātraṃ syāddhitvā citrāṃ ca vaidhṛtim | iti vacaso nivandhālikhitatvena nirmūlatvāditi kecit
tvāṣṭravaidhṛtiyuktā cetpratipaccaṇḍikārcane | tayorante vidhātavyaṃ
kalaśāropaṇaṃ gṛha | iti vacanāntarasaṃvādāt | navarātrasaṃjñakapūjārambhabhūtakalaśasthāpanaviṣayametadityanye | apare tu vājinīrājanāṅgabhūtakalaśasthāpanaviṣayo'yaṃ niṣedhaḥ |—ārabhya navarātraṃ syātpratipaccāśvine site | vājinīrājanaṃ paścāddhitvā
citrāṃ ca vaidhṛtim | ityaśvaśāstrīyavacanasaṃvādāt |—āśvayuk śuklapakṣe tu svātīyoge śubhe dine | pūrvamuccaiḥśravānāma prathamaṃ