Samvatsaradidhiti 6.p1.7

6.p1.7

yāṃ tithiṃ samanuprāpyeti āpādyasākalyamādāya tṛtīyapūjākāle'pi sattvācca |—pradoṣavyāpinī yatra trimuhūrtā divā tathā
tadā naktavrataṃ kuryātsvādhyāyasya niṣedhavat | iti naktavratasāmānye pravṛttena vacanena pradoṣasāyāhnayoḥ krameṇa mukhyatvagauṇatve
jñāpayatā naktavratatvena mādhavādyukte devīvrate'pi sāyāhnasya gauṇatve vihite sati gauṇakālavyāpterapi lābhācca, prasiddhanaktasamānanirṇayasaṃbhave tattayāgāyogācca, evaṃ sāyāhne upakramya rātrau
pūjāsamāpane-yo yasya vihitaḥ kālaḥ karmaṇastadupakrame | vidyamāno bhavedaṅgaṃ nojjhitopakrameṇa tu | iti śāstrānusaraṇasaṃbhavācca
yeṣāṃ tu kulapāramparyeṇāmāviddhādvitīyāviddhayoranyatarasyā aṅgīkāraḥ kṛtaḥ svakartṛkacirakālīnānuṣṭhānena vā tairvyavasthayā tasyāmeva navarātrārambhaḥ kāryaḥ | ābdikaśrāddhe pārvaṇaikoddiṣṭavidhyoḥ
śāstrāntarānusārivyavasthāsaṃbhave'pi vijñāneśvareṇa yathākulācāramapi kathitavyavasthāvadagnihotre uditānuditakālavyavasthāvacca
tādṛśavyavasthāyā asaṃbhave tūktanirṇayānusaraṇaṃ kāryamityalam
athaivaṃ nirṇīte pratipaddine bhagavatīpūjāṃ kartumupakalpayate
nūtanavastrarambhāstambhādimaṇḍitaveśmani samacaturasrā caturhastāvedikā kāryā | tadupari sarvatobhadrādimaṇḍalam | mṛnmayīpratimā cettatraiva maṇḍale dārvyādimayāsane sthāpyā | sauvarṇyādipratimā cettasyāḥ pūjāmaṇḍalakumbhastheti | devīpurāṇe kumbhoparyyeva
pūjāvidhānānna tatpūjārthaṃ pṛthagāsanasaṃpādanam | pratimāvidhiśca devīpurāṇe-hemarājatamṛddhātācailacitrārpitāpi vā