Samvatsaradidhiti 7.94.13

7.94.13

iti gandhādibhirvaruṇaṃ saṃpūjya varuṇāya eṣa balirnamama iti dadhiguḍabhaktena baliṃ dattvā paścādaśvāṃstoye'vagāhya puṣpamālābhirvibhūṣya śālāyāmabhimraveśayet | tato vijayadaśamyāṃ nagarādbahiraiśānīṃ diśi prākpravaṇe śucau deśe daśahastocchritaṃ śubhadārumayaṃ kāṣṭhadvayaṃ madhye'ṣṭahastāvakāśamuttaradakṣiṇakrameṇāropya tasyopari samānajātikāṣṭhamayaṃ turaṅgaṃ kṛtvā tattoraṇadhvajamālādyalaṃkṛtaṃ kṛtvā śastrapāṇibhiḥ puruṣairabhirakṣaṇīyam | tato rājasaṃgrāmayogyamukhyāśvamukhānaśvānsapurohitānsampagalaṃkṛtān śastrapāṇibhiḥ puruṣairvakṣyamāṇapuṇyāhabrahmaghoṣagītavāditravandijanastutibhiḥ saha toraṇasamīpaṃ prāpayeyuḥ | tata uktatoraṇastambhasamīpe
purohitaḥ svagṛhyoktamārgeṇāgniṃ pratiṣṭhāpya śāntikaleśaṃ sthāpayitvā caruṃ śrapayitvā pūrvoktājyāhutyāgnimutthāpya prajāpatīndrādibhistribhirmantraistisra ājyāhutīrhutvā sviṣṭakṛdādihomaśeṣaṃ samāpya agnerdakṣiṇataḥ prajāpatīndretyādibhirmantrairbalitrayaṃ dattvā rājñe
svastīti brūyāt | tataścatvāraḥ puruṣāḥ pratistambhasamīpaṃ krameṇa
tiṣṭheyuḥ | tatraikaḥ puruṣaḥ homāgnau prathamamulkāṃ prajvālya dhārayati
tatrānyo jvālayati tatrānya evamanyonyamuktvā pradīpanaṃ kuryuḥ
pūrvadhāraṇasamakālamuttareṣāṃ jvālanadhāraṇe yathā bhavatastathānyonyaṃ
saṃketaḥ pūrvamevocita ityarthaḥ | tata udakena purohito mukhyāśvaṃ