Samvatsaradidhiti 7.94.2

7.94.2

ghṛtasaṃyutam | hutaśeṣaṃ turaṅgāṇāṃ rājñāñcamupahārayet | lohābhisārikaṃ karma tenaitadṛṣibhiḥ smṛtam | dhṛtapalyayanānaśvāngajāṃśca
samalaṃkṛtān | bhrāmayennagare nityaṃ nandighoṣapuraskṛtān | pratyahaṃ
nṛpatiḥ snātvā saṃpūjya pitṛdevatāḥ | pūjayedrājacihnāni phalamālyavilepanaiḥ | pūjāmantrānpravakṣyāmi purāṇoktānahaṃ tava | yaiḥ
pūjitāḥ prayacchanti kīrttimāyuryaśo balam | iti | tatra-yathāmbudāśchādayanti śivāyaimāṃ vasundharām | tathā chādaya rājānaṃ
vijayārogyavṛddhaye | iti chatraṃ pūjayet | śaśāṅkakarasaṃkāśa
kṣīraḍiṇḍīrapāṇḍura | protsārayāśu duritaṃ cāmarāmaradurlabha
iti cāmaram |-gandharvakulajātastvaṃ mā bhūyāḥ kuladūṣakaḥ
brahmaṇaḥ satyavākyena somasya varuṇasya ca | prabhāvācca hutāśasya
vardhaya tvaṃ turaṅgamān | tejasā caiva sūryyasya munīnāṃ tapasā
tathā | rudrasya brahmacaryeṇa pavanasya balena ca | smara tvaṃ rājaputro'si kaustubhaṃ ca maṇiṃ smara | surāsurairmathyamānakṣīrodāmṛtādibhiḥ | jāta uccaiḥśravāḥ pūrvaṃ tena jātosi tatsmara | yāṃ gatiṃ
brahmahā gacchenmātṛhā pitṛhā tathā | bhūmyarthe'nṛtavādī ca kṣatriyaśca parāṅmukhaḥ | sūryācandramasau vāyuryāvatpaśyanti duṣkṛtam
tāṃ gatiṃ vrajasi kṣipraṃ tacca pāpaṃ bhavettava | nirṛtiṃ yadi gacchethā yuddhe'dhvani turaṅgama | ripūnvijitya samare sahabhartrā sukhī
bhava| iti aśvam | - śakraketo mahāvīrya śyāmavarṇārcayāmyaham | patrirāja namastestu tathā nārāyaṇadhvaja | garutmānmārutagatistvayi saṃnihito yataḥ | dhārayantyāyudhānyatra rakṣa tvaṃ ca