Samvatsaradidhiti 7.94.23

7.94.23

duḥkhitāścakrustatkriyāṃ pāralaukikīm 9 athāmuṣya sapatno'bhūddhrātā sa jagṛhe dhanam | apuṣṇāttau baṭū gehaṃ nijamānīya durmanāḥ 10 nāsti cakre dhanaṃ sarve tābhyāṃ kiṃcinna vai dadau | tato
mauñjīdharau bālau bandhubhiḥ kathitaṃ vasu 11 yayācāte pitṛdravyaṃ
dehi nau dāyamityuta | sa tāvūce gataṃ dravyaṃ yuvāṃ kena pratāritau
12 nirgacchataṃ mama gṛhādityādi paruṣaṃ bahu | tau tadvacobhinirviṇṇau bālau śrīpatigopatī 13 vabhāṣete mithaḥ kaṣṭaṃ dhrigaho
pitṛhīnatām | yāvo deśāntaraṃ yatra svajano nāsti kaścana 14
anābhāṣyaiva suhṛdo jagmaturdiśamuttarām | bhikṣācarau bahūndeśānvanāni sarito girīn 15 samatikramya yayaturviśālāṃ nāmataḥ
purīm | kāsāramīkṣāṃcakrāte tatpuryāḥ saṃnidhau śubham 16 puṇḍarīkavanākīrṇaṃ raktapadmopaśobhitam | saṃdhyāabhrabhūṣitaṃ cāru
yathā tārāṅkitaṃ nabhaḥ 17 śrāntau pathigatau bālau kṣaṇaṃ viśramya
tattaṭe | ācamya śiśiraṃ toyaṃ sasnatuśca yathāvidhi 18 gatādhvakhedau viprau tau puraṃ bhaviśatāṃ tataḥ | vīthīcatuṣpathayutaṃ cārugopuramaṇḍitam 19 devatāgāraruciraṃ saudharājivirājitam
nānāvīthīratikramya vipravāsamavāpatuḥ 20 kasyacittatha viprasya
kṣutpipāsārditau gṛham | yayaturvedikāryāṃ tāvupaviṣṭau śramāturau
21 svāmī tasyātha gehasya viveka iti viśrutaḥ | āgatau vaiśvadevānte sa dadarśatithī dvijau 22 anāpṛcchaya śrutaṃ śīlaṃ tathā
ca kulanāmanī | ṛṣivatpūjayāmāsa smarandharmaṃ sanātanam 23
atha tau bhojayāmāsa svādvannena dvijottamaḥ 24 tau brahmacāriṇau