Samvatsaradidhiti 7.94.5

7.94.5

kṛtvā tathāṣṭamyāṃ pūrvāhṇe snānamācaret | yamaṃ niyamam | kuṅkumapaṅkasadgandhaiścaturasraiḥ śailapiṣṭaiśca | carcitagātrāṃ devīṃ kusumairabhyarcayedbahubhiḥ | kumudaiḥ sapadmakusumaiḥ sadhūpadīpaiḥ sanaivedyaiḥ | māṃsairbalyupahārairmāṅgalyaśabdasamucchritaiḥ | citritachatrairyauneḥ syandanasitaśastradhārijanalokaiḥ | turagairaśvānādi ca nivedyate sarvameva
bhagavatyai | kuṅkumapaṅkādīnāṃ yogyatayā devyarcane viniyogo bodhyaḥ
pūjāmantrāstu - jayantī maṅgalā kālī bhadrakālī kapālinī
durgā kṣamā śivā dhātrī svāhā svadhā namostu te | vilvapatramantrastu - amṛtodbhava śrīvṛkṣa mahādevapriyaṃ sadā | vilvapatraṃ prayacchāmi pavitraṃ te sureśvari | durgā sā pūjanīyā ca taddine droṇapuṣpakaiḥ | iti | adhivāsane pūjāyāṃ home ca ta eva mantrāḥ
homasaṃkhyā pratidaivataṃ pratidravyamaṣṭottaraśatādirūpā | iti lohābhisārikam
atraiva aśvamātrāviṣayo viśeṣavidhiḥ nirṇayāmṛte devīpurāṇe - āśvayukśuklapratipatsvāttiyoge śubhe dine | pūrvamuccaiḥśravā nāma prathamaṃ śriyamāharat | tasmātsāśvairnaraistatra pūjyo'sau
śraddhayā sadā | pūjanīyāśca turagā navamīṃ yāvadeva hi | śāntisvastyayanaṃ kāryaṃ tadā teṣāṃ dine dine | dhānyaṃ bhallātakaṃ
kuṣṭhaṃ vacāṃ siddhārthakāṃstathā | pañcavarṇena sūtreṇa granthi teṣāṃ tu
bandhayet | vāyavyairvāruṇaiḥ sauraiḥ śākrairmantraiśca vaiṣṇavaiḥ | vaiśvadevaistathāgneyairhomaḥ kāryoṃ dine dine | turaṅgā rakṣaṇīyāstu puruṣaiḥ