Manava Dharmashastra 16.1.2

16.1.2

55 || brahmojjhateti | brahmojjhatā adhītasya vedasyāsacchāstrāśrayeṇāpekṣaṇaṃ | yattu gurumātṛparityāgaḥ svādhyāyāgnyoḥ sutasyacetyupapātakatvaṃ na tvaihikaevānyasminkarmaṇyabhiyuktatayā vetyāge sati veditavyaṃ vedanindā nāstikyābhiniveśana vedakutsanam | kūṭasākṣitvaṃ yantra vyavahāre'rthipratyarthinorvadhārhatopaiti mitrasya cābrāhmaṇasyāpi vadhorgāhatasya palāṇḍvāderanadanīyasya cāmedhyāderbhakṣaṇamityetāni ṣaṭ surāpānatulyāni | 56 || nikṣepasyeti | niḥkṣepasya brāhmaṇasuvarṇādanyasya brāhmaṇasaṃbandhinaścasuvarṇasyāpaharaṇaṃtathā manuṣyāśvarūpyabhūmihīrakamaṇīnāṃharaṇaṃsuvarṇasteyatulyam | 57 || retaḥsekaḥsvayonyāsviti | bhaginīkumārīmitrabhāryāsnuṣāsu caṇḍālādistrīṣu ca gamanaṃgurubhāryāgamana samānamāhuḥ eṣāṃca bhedena samīkaraṇādyacena samīkṛtaṃtasya tadīyaprāyaścittārtham yattu kauṭasākṣyaṃ suhṛdvadhaḥ brahmahatyāprāyaścittātideśaṃvakṣyati tadvikalpārtham | yaḥ punaḥ guroralīkanirvandhasya brahmahatyāsamīkṛtasya gurutalpagaprāyaścittanirdeśaḥ samīkṛtānāṃnyūnaprāyaścittaṃbhavatīti jñāpanārthe tathāca lokepi rājasamaḥ sacivaityukte sacivasyanyūnataiva pratīyate atracopaphāriśikebhya ādiśikebhyaādeśikānāṃnyūnatvamatideśavidhānaṃtebhyopi samīkṛtānāṃ | 58 || govadhaiti | parivittineti | kanyāyāiti | vrātyateti | sarvvākareṣviti | indhanārthamiti | anāhitāgnina ti | asacchāstrādhigamanaṃkauśīlavyasanakriyā || dhānyakupyapaśusteyaṃmadyapastrīniṣevaṇamiti | gohananaṃ jātikarmmānuṣṭhānāṃyājanaṃ |