Manava Dharmashastra 3.203

3.203

aẏamarthavāda eva | brāhmaṇānāṃ devatārūpatvaṃ sampādayati | agnirdevatā | tatra hutaṃ tanmukhena devatā aśnanti | brāhmaṇo'pyevaṃrūpaḥ | taddhaste'pi kṣiptaṃ devatā aśnantyeva | ''kiṃ punardevatānāṃ rūpaṃ yena brāhmaṇo'pi devatārūpa ucyate" | ata āha akrodhanāniti | kathamevaṃ bruvate ? tadarthaṃ darśayati | ya evaṃ svabhāvā brāhmaṇāsteṣāṃ haste ājyāhutī prakṣepsavye | anye tvāhuḥ | pūrvatrākrodhanā ityādinā pitṝnuddiśya nimantritānāṃ stutyānāmakrodhanādidharmo vihitaḥ | anena devanimāntratānāmiti viśeṣaḥ | tathā cāha | śrāddhe devāniti | purātanā munaya evaṃ vadanti | dvitīyānto vā paṭhitavyaḥ | purātanānetāndevānsādhyadevānasminkalpe samutpannān | lokasyāpyāyane yuktān | evaṃ śrāddhaṃ bhuñjate | tatra naivaṃ mantavyam'dṛṣṭasukhārthino lobhātsvārthe pravarttante'taśca kimityeṣāṃ pūjā kriyate' | yata āpyāyayanti lokaṃ pṛthivīmantarikṣaṃ divaṃ cāto naiṣāmavajñā karttavyā |

Self-controlled, he should, after having offered those balls on Kuśa-blades, according to rule, wipe that hand on those same (Kuśa-blades), for the sake of the “Partakers of Smearings.”—(216)