Manava Dharmashastra 3.205

3.205

yattaddhomārthaṃ pātre gṛhītamannaṃ tasmāddhutaśiṣṭāt trīn piṇḍān kṛtvā dakṣiṇāsyāṃ diśi mukhaṃ kṛtvā nirvapet | darbheṣu pitṛnuddiśya prakṣipet | saṃhataṃ dravyaṃ piṇḍaśabdenocyate | tena viśadamannaṃ na dātavyam | audakena | audako vidhiryaḥ samanantaramevoktaḥ 'apasavyenetyādi' (204 śloke) | atredaṃ saṃdihyate | kiṃ yattadannaṃ brāhmaṇabhojanārthaṃ sādhitaṃ tato'pyuddhṛtya haviḥsaṃskāraḥ kartavya uta pṛthak caruḥ sādhanīya iti | kiṃparimāṇaṃ ca taddhaviriti | na hyatra 'caturo muṣṭīnni'tyādiparimāṇasambhavaḥ | vicāritametat | viśeṣāśravaṇāt kāmacāraḥ | parimāṇaṃ yāvatā arthasiddhirbhavati | audakavidhyatideśācca svahastenāpasavyena piṇḍanirvapaṇaṃ, na rājataiḥ pātraiḥ | samāhitagrahaṇa vṛttapūraṇārtham |

Self-controlled, he should, after having offered those balls on Kuśa-blades, according to rule, wipe that hand on those same (Kuśa-blades), for the sake of the “Partakers of Smearings.”—(216)