Manava Dharmashastra 5.89.4

5.89.4

pramāṇaśāstravidastu svayaṃ vidhiṃ vadanti anyoktamavagāhante | yattvasmābhiruktaṃ tatsukhopāyagrāhyam | nātimahatī vyutpattiratropayujyate | iyadeva ca tatsāram | iyatī sā vidyā'nuṣṭhānopayoginī yadadhikamāhopuruṣikāmātraṃ tadarthavāda eva | tatra hyarthavādādviśeṣāvagatirbhavati yatrākāṃkṣā vidheranivṛtteti | yathoktamupadadhātīti bahuṣu bhojanasādhaneṣu sarpistailalavaṇādiṣu satsu kenetyanavasāye ghṛteneti gamyate | yathā tu rātriṣvanuṣṭhānāśravaṇādākāṃkṣāyāṃ pratitiṣṭhantītyarthavādaḥ | ataḥ pratiṣṭhākāmasyeti gamyate | iha punabrāhmaṇā itiparisamāptatvātpadārthasya nivṛttākāṃkṣeti stutimātrāpekṣayā'rthavādaḥ | atha liṅgadarśanamātratayopanyasyate “devānāmaśnatā haviriti” (11 | 65) tasmācchreyaḥ saṃpannaṃ pāpīyānanvetītivattadapi puṃsaḥ pratiṣiddhatvātpākṣikenānuvādena sālambanamiti na kiṃcit | strīṇāmapi devānnaśeṣamā jyādiprāśanamastyeva | vedodāharaśca darśapūrṇamāsādiṣu "vidheyakarmasīti"| na ca śrāddhasya kartuḥ surāṃ pāyayediti codanayā tāsāṃ pānamanumīyate | brahmahatyādānenaiva grahaḥ | tasmājjātimātrasya pratiṣedha ityeṣa etasyāṃ vipratipattau nirṇayaḥ |

Nor is any such distinction (between male and female) made in the case of ‘Brāhmaṇa-killing.’ So that upon the question here raised, the final conclusion is that the prohibition of winedrinking pertains to the whole caste—(89).