Manava Dharmashastra 5.9

5.9

prāraṇyā gohastimarkaṭādayaḥ | puṃsāṃ kṣīrābhāvaḥ | sarveṣāṃ mṛgāṇāmiti jātimātravivakṣāyāṃ puṃlliṅganirdeśasāmarthyātstrībhiḥ sambandhaḥ | mṛgakṣīraṃ kukkuṭāṇḍamitivat | darśitaṃ caitatpumbhāvavidhau mahābhāṣyakāreṇa | māhiṣaṃ vinā | payopekṣayā napuṃsakanirdeśaḥ | strī mānuṣī | yadyapi 'strī gauḥ somakrayaṇī'tyādau sāsnādimatyarthe prayogadarśanam, tathāpi jātyantarasyāprakṛtatvāt prasiddhataratvāt tatra prayogaḥ syāt | "striyo madhuramicchanti striyo ratnamanuttamamiti" nāryaiva pratīyate | evakāramañjanādipratiṣedhe vyācakṣate | na kevalaṃ strīkṣīraṃ bhakṣaṇe varjyaṃ kiṃ tarhyanyāsvapyevaṃvidhāsu kriyāsu | eṣa tu smṛtyantarasamācārasāpekṣa eva śabdaḥ sūcako yuktaḥ, na tvasyārthasya vācakaḥ |
1) | yeṣu cātra prakaraṇe pratiṣiddheṣu prāyaścittādhikāre pratipadaṃ prāyaścittamanyaducyate "kravyādasūkare”tyādi ( 11 | 156 ) tatra tadeva draṣṭavyaṃ pratipadavihitatvāt | asya copavāsasyānyatra caritārthatvāt |

‘Distilled’.—Distillation consists in allowing the thing to remain soaked in water over-night.