Purusharthasudhanidhi 6.1

6.1

ruce raucya iti khyātiṃ sa yāsyati jagattraye
tasyāpi bahavaḥ putrā bhaviṣyanti mahābalāḥ
tvaṃ ^1naḥ prajāpatirbhūtvā ^2prajāḥ sṛṣṭvā ^3caturvidhāḥ
cīrṇādhikāro dharmajñastatassiddhimavāpsyasi
tatastasmānnadīmadhyāt samuttasthau manoramā
^4pramedhā nāma tanvaṅgī tatsamīpe varāpsarāḥ
sā covāca mahātmānaṃ ruciṃ ^5madhurayā girā
atīva rūpasampannā matsutā rucirāmbarā
jātā varuṇaputreṇa puṣkareṇa mahātmanā
tāṃ gṛhāṇa mayā dattāṃ bhāryārthaṃ varavarṇinīm
^6manurmahāmanustasyāṃ samutpatsyati te sutaḥ
tatheti ^7manasā prokte tasmāttoyādvapuṣmatī
ujjahāra tataḥ kanyāṃ mālinīṃ nāma nāmataḥ
nadyāśca puline ramye sa munirmuniṃsattamaḥ
jagrāha vidhivat pāṇiṃ samānāyya mahāmunīn
tasyāṃ tasya suto jajñe mahāvīryo mahāmatiḥ
raucyo'bhavanmahātejā vikhyāto jagatītale
ruciārgārhasthyamāśritya ^8tārayāmāsa vai pitṝn
tasmātsarvaprayatnena gārhasthyaṃ samupāśrayet
yo brahmacārī gārhasthyaṃ samullaṅghyāśrāmāntaram
śrayate yadi mūḍhātmā 1tatsarvaṃ na sa vindati
2yathā hi pakṣiṇo vṛkṣamaśrayanti 3dinakṣaye
tathāśrayanti bhūtāni kṣudhitāni gṛhādhipam
ṣaṣṭho'dhyāyaḥ
pativratādharmakathanam
sūtaḥ—
idaṃ rahasyaṃ paramaṃ śrūyatāmṛṣisattamāḥ
pātivratyātparo dharmo nārīṇāṃ neha vidyate