Smrityarthasagara 1.p76

1.p76

hi māseṣu haviṣyāṇi na doṣakṛt || haviṣyāṇi ca bhaviṣya uktāni || haimaṃtikaṃ sitā svinnaṃ dhānyaṃ mudgā yavāstilāḥ || kaṃdaṃ saiṃdhavasāmudre gavye ca dadhisarpiṣī || payo'nuddhṛtasāraṃ ca panasāmraharītakī || nīvārāḥ ṣaṣṭikāścaiva nāgaraṃ gajatiṃtiṇī || kadalīlavalīdhātrīphalānyaguḍamaikṣavaṃ || atailapakvaṃ munayo haviṣyāṇi pracakṣata iti || anye'pi niyamāḥ || tailabhojanaparānnatyāgarūpāḥ mahāphalapradāḥ || aniṣiddhabhojanavastumadhya āmaraṇāntaṃ kasyacidbhojanavarjanaṃ kāryaṃ || tadasaṃbhave vā cāturmāsye māghe vaiśākhe ca || paurṇamāsyāṃ saṃnyāsināṃ cāturmāsyasaṃkalpaḥ || sā trimuhūrtavyāpinī grāhyā || āṣāḍhakṛṣṇapaṃcamī jayatīrthasvāminā puṇyatithiḥ || atra karkasaṃkrāṃtyanaṃtaraṃ māsaparyaṃtaṃ keśakṛṃtanaṃ niṣiddhaṃ