Smrityarthasagara 2.p81

2.p81

brahmajijñāseti brahmamīmāṃsā || tathā śrīmadbhāṣyādikaṃ ca kiṃcitkiṃcitpaṭhitvā || tacchaṃyorāvṛṇīmahe ityādikamuktvā | yasyasmṛtyeti sarvavedādipratipādyaviṣṇoḥ samarpya punarācamanadvayaṃ kṛtvā devarṣipitṛnāmakaṃ devarṣipitṛṃtargataśrīviṣṇuprītyarthaṃ devarṣipitṛtarpaṇamahaṃ kariṣye || iti saṃkalpya | devāditarpaṇaṃ kuryāt || tatprakāramāha vyāsaḥ || ekaikamaṃjaliṃ devā dvau dvau tu ṛṣayastathā || arhati pitūṃstrīṃstrīṃ striyaścaikamaṃjalimiti || atra devāditarpaṇe devādināmnāmeva maṃtratvāt karmāvṛttau maṃtrāvṛtterāvaśyakatvāt || ṛṣitarpaṇe śatarcinastṛpyaṃtu śatarcinastṛpyaṃtu ityādi prakāreṇa dvivāraṃ ṛṣināmagrāhyaṃ || evaṃ pitṛtarpaṇe pitṛnāma trivāraṃ grāhyaṃ || anāmikyāṃ hema dhṛtvā tarjanyāṃ raupyameva ca || jaladarbhaiḥ svādhāmaṃtrairgotranāmatilairbhavet || tāmragokarṇapātreṇa tarpayedanyathā vṛtha || anvārabdena savyena pāṇinā dakṣiṇena tu || śālagrāmaśilātīrthayuktenaiva jalena tu || devāditarpaṇaṃ kuryādanyathā niṣphalaṃ bhavet iti || vinā tīrthena yaḥ kuryāttarpaṇaṃ pitṛdevatāḥ || retomūtrapurīṣāśca sa pitṛbhyaḥ prayacchati || śālagrāmaśilātoyaistarpayetpitṛdevatāḥ || amṛtena samaṃ bhūtvā nityatṛptā na saṃśayaḥ || savyena pā