Smrityarthasagara 2.p83

2.p83

pātre nodake tathā || hemarūpyamayaṃ pātraṃ tāmrakasya samudbhavaṃ || devāditarpaṇe grāhyaṃ mṛnmayaṃ tu parityajet || mārjanaṃ tarpaṇaṃ śrāddhaṃ na kuryādvāridhārayeti || ravau śukre trayodaśyāṃ saptamyāṃ niśi saṃdhyayoḥ || naṃdāsu janmadivase maghāyāṃ bhaumavāsare || bhṛtyaputrakalatrārthaṃ na kuryāttilatarpaṇamiti || tarpayetprāṅmukho devān ṛṣīṃścodaṅmukhaḥ pitṝn || dakṣiṇābhimukhaścaivaṃ tarpaṇasya vidhiḥ smṛtaḥ || vivāhe copanayane caule sati yathākramaṃ || varṣamardhaṃ tadardhaṃ ca netyeke tilatarpaṇaṃ | iti || asyāpavādaḥ || vivāhe pātasaṃkrāṃtau graste śaśini bhāskare || naiva vārādidoṣo'sti manvādiṣvyugādiṣu || vivāhe || vivāhamuṃjījauleṣu jāteṣvityarthaḥ || aṃgulyagraistathā devānkaniṣṭhāmūlato ṛṣīn || pitṝn divyānadivyāśca tarjanyaṃguṣṭhamadhyataḥ || tatra