Smrityarthasagara 2.p86

2.p86

grāhyaṃ || saṃbaṃdhanāmagotrāṇi tathā vasvādirūpatāṃ || svadhāśabdaṃ namaḥ śabdamutktvā saṃtarpayetpitṝn || iti bodhāyanokteḥ || prapitāmahe tu nirdiṣṭau vāsudevaḥ paraḥ pumān || pitāmahe tu nirdiṣṭastathā saṃkarṣaṇaḥ prabhuḥ || pitṛsaṃsthastu vijñeyaḥ pradyumno hyaparājita iti || viṣṇudharmottare || pitrādyaṃtaryāmivasvādyaṃtaryāmitvena pradyumnādīnāṃ grahaṇamuktaṃ || snānamajanapūrvaṃ tu kvacitkartuṃ na śakyate || tatrādau brahmayajñārthaṃ maṃtrasnānaṃ vidhīyate || puṇyakālanimittaṃ tu kevalaṃ tarpaṇaṃsmṛtaṃ || devarṣitarpaṇaṃ smṛtamiti vā pāṭhaḥ || prātaḥkāle brahmayajñādikṛte sati madhye saṃkramaṇādipuṣyakāle prāpte sati tannimittaṃ punastarpaṇamātraṃ kāryaṃ || na brahmayajñādi kāryamityarthaḥ || tathā smṛtyaṃtaraṃ || naimittikaṃ tarpaṇaṃ tu kuryādrātrāvapi dvijaḥ || tīrśāṃ tare tu tadgatasyādekamapyatra sadbhavet || naimittikaṃ tarpaṇaṃ tu brahmayajñaṃ tu bahvṛcaḥ || rātrau praharaparyaṃtaṃ divākarma tu kārayet || vinā sauraṃbrahmayajñaṃ na kṛtāni divā yadīti || śrāddhāṃgatarpaṇaṃ yāme prathame madhu tadbhavet || payo nāraṃ ca rudhiraṃ kramādyāmeṣu ca triṣu || śrāddhātpūrvaṃ brahmayajñaṃ na kuryāttarpaṇaṃ tathā || patnyoḥ śrāddhānaṃtaraṃ tu dvayaṃ kuryācca bahvṛcaḥ || tarpaṇe pavitramāha sumaṃtuḥ || samūlāgrau vinā gābhauṃ kuśau dvau dakṣiṇe