Danasagara 42.1

42.1

prayogaḥ
ata sahasreṇa pañcabhiḥ śataiḥ sārddhaśatadvayena vā suvarṇapalānāmaśakto tvekapalā-'dṛddhvaṃ'
sārdhapalaśatadvayābhyantaraṃ śaktyanurūpasuvarṇena meruṃ taccaturtha- caturthabhāgena caturo viṣkambhagirīn nirmāya teṣu dhānyācalavat sarvamupakaraṇamāropayet | tatra ca dānadina' pūrvataradine
'nivedanopavāsasaṅkalpavākyayoraparadine ca dānasaṅkalpapuṇyāhādivācanavaraṇavākyeṣu dhānyācalapadasthāne suvarṇācalapadanniveśādvākyāni kṛtvā rātrijāgaraṇantaṃ dhānyācaloktaṃ karma vidheyam
tataḥ prātaḥ kṛtanityaḥ kṛtanityebhyo gurvṛtvigbhyo namasta ityādimantrābhyāmāmantrya 'suvarṇācalaṃ dadyāt | tatra ca dhānyācala- dānavākye yavamaya-godhūmamaya-tilamaya-māṣamayapadasthāneṣu' suvarṇamayapadaṃ dhānyācalapadasthāne suvarṇācalapadañca dattvā dānavākyaṃ kuryāt
tataḥ svastya| dibrāhmaṇagṛha-prasthāpanāntaṃ karma dhānyācalagranthenaiva kāryyam
iti suvarṇācaladānam
tathā tilācaladānam | (matsyapurāṇam—87 śraḥ)
'[athātaḥ sampravakṣyāmi] tilaśailaṃ vidhānataḥ
yat-²pradānānnaro yāti viṣṇulokamanuttamam³