Danasagara 46.1

46.1

prayogaḥ
atra ¹⁰muktāphalānāṃ sahasreṇa śatapañcakena śatatrayeṇa vā ¹¹merumuttamamerupakṣe sapādaśatasaṃkhya-¹²sapādaśatasaṃkhyakena madhyamamerupakṣe triṣaṣṭitriṣaṣṭisaṃkhyakena kaniṣṭhamerupakṣe cāṣṭaviṃśadaṣṭaviṃśatsaṃkhyakena yathoktakamahīrakādi-¹³ratnacayadvayena viṣkambhagirīn nirmāya teṣu dhānyācalavat sarvamupakaraṇamāropayet | tatra ca dānadinapūrvataradine nivedanopavāsasaṅkalpa-¹⁴vākyayoraparadine ca¹⁵ dānasaṅkalpa-puṇyāhādivācana-¹⁶varaṇavākyeṣu dhānyācalapadasthāne ratnācalapadaniveśāhnākyāni kṛtvā rātri-¹⁷jāgaraṇāntaṃ dhānyācaloktaṃ karma vidheyam | tataḥ prātaḥ
¹⁸kṛtanityaḥ kṛtanityebhyo gurvṛtvigbhyo 'yathā devagaṇā' ityādi mantrābhyāmabhimantrya ratnācalaṃ
dadyāt | tatra dhānyācaladānavākye yavamayagodhūmamaya-¹⁹tilamaya-māṣamayapadasthāneṣu yathākramaṃ
vajragomedamayendranīlapuṣparāgamaya-vaiḍūryavidrumamaya-padmarāga-²⁰marakatamayapadāni dhānyācalapadasthāne
²¹ratnācalapadañca dattvā dānavākyaṃ kuryāt | svastyādibrāhmaṇagṛhaprasthāpanāntañca karma dhānyācalagranthenaiva kartavyam
iti ratnācaladānam
atha raupyācaladānam | ( matsyapurāṇam—61 aḥ )
ataḥ paraṃ pravakṣyāmi raupyācalamanuttamam
'yatpradānānnaro yāti somalokaṃ dvijottama