Dharmapradipa 11.p2

11.p2

"daśamīśeṣasaṃyukto yadi syādaruṇodayaḥ | naivopoṣaṃ vaiṣṇavena taddinaikādaśīvratam ||" iti | aruṇodayasvarūpaṃ ca mādhavīye skānde"udayātprākcatasrastu ghaṭikā aruṇodayaḥ" iti| yadapi "udayātprāgyadā vipra muhūrtadvayasaṃyutā | saṃpūrṇaikādaśī nāma tatraivopavasedgṛhī ||" iti gāruḍasauradharmādivacanaṃ, yacca bhaviṣye"ādityodayevelāyāḥ prāṅmuhūrtadvayānvitā | ekādaśī tu sampūrṇā viddhānyā parikīrtitā ||" iti tadapyupasaṃhāranyāyena daṇḍacatuṣṭayaparameva | hemādrāvapyevam | yattūbrahmavaivarte"catasro ghaṭikāḥ prātararuṇodayaniścayaḥ | catuṣṭayavibhāgo'tra vedhādīnāṃ kiloditaḥ | aruṇodayavedhaḥ syātsārddhaṃ tu ghaṭikātrayam | ativedho dvighaṭikāḥ prabhātaṃ darśanādraveḥ || mahāvedho'pi tatraiva dṛśyate'rko na dṛśyate | turīyastatra vihito yogaḥ sūryodaye budhaiḥ'|| iti tadapyavayavadvārā'ruṇodayavedhaviśeṣaparameveti mādhavīyemadanaratne ca | anyastūdayavedhaḥ | tathānyepi hemādrau mādhavīye gāruḍe"udayātprāktrighaṭikāvyāpinyekādaśī yadā | cīnaḥ kālo lakṣyate 'nyathā sumaṃtuvacanena virodhaḥ syāt | tathācatadvacanam"yatrārddharātrādarvāktu nakṣatraṃ prāpyate tithau | tannakṣatravrate kuryādatīte pāraṇaṃtithau” iti | nirṇayāmṛtakṛtadīpikāyāṃ tu yadā pūrvasminneva dine'stamayasambandhi tadā tadevopavasanīyam dinadvaye sattve'sattve vā pūrvaṃ yadā pūrvedyurarddharātrisambandhi paredyurastamayasaṃbandhi tadottaramiti | "upavāse yahakṣaṃ syāttaddhi naktaikabhaktayoḥ | udaye trimuhūrtasthaṃ nakṣatraṃ vratadānayoḥ || dinadvaye tathātve tu pūrvaṃ syādvalavattvataḥ | śravaṇaṃ tūttaraṃ grāhyamupākaraṇakarmaṇi || pitrye tu tithivatsarvo nakṣatrasya vinirṇayaḥ | pūrvaḥ syādādupavāsādāvuttaro vratadānayoḥ || yogaḥ śrāddhe karmakālavyāptastu parigṛhyatām | karaṇaṃ yaddine tantu grāhyaṃ rātrau yadā tadā || dinadvayaikabhaktābhyāmupavāsaḥ prasidhyati | vāsare saṃśayābhāvādgrahītavyaṃ yathāsthitam ||"