Dharmapradipa 13.p1

13.p1

ubhayavṛddhau śuddhā viddhā vā sarveṣāṃ paraiveti mādhavakasalākarau| dvādaśīmātravṛddhau śuddhāyāṃ pūrvaivetyapi| “na cedekādaśī viṣṇau dvādaśī parataḥ sthitā| upoṣyāaikādaśī tatra yadīcchetparamaṃ padam||” iti nāradokteḥ| “dvādaśīmātravṛddhau tu śuddhaviddhe vyavasthite| śuddhā pūrvāṃttarā viddhā smārtanirṇaya īdṛśaḥ||” iti mādhavokteśca madanaratnepyevam| yattu— “viddhāpyaviddhā vijñeyā parato dvādaśī na cet| aviddhāpi ca viddhā syātparato dvādaśī yadi||” tyādipādmokteḥ | viddhādhikasamadvādaśikā ca sarveṣāṃ pūrvaiva | “pāraṇāhe na labhyeta dvādaśī sakalāpi cet | tadānīṃ daśamīviddhāmupoṣyaikādaśīṃ tithim||” ityādikṛṣyaśṛṅgokteḥ | mādhavamate tvatra gṛhiṇāṃ pūrvā yateruttarā| viddhādhikanyūnadvādaśikā mokṣapāpakṣayaviṣṇupritikāmaiḥ parā kāryā| gṛhiṇā tu naktaṃ kāryam | “ekādaśī dvādaśī ca rātriśeṣe trayodaśī | upavāsaṃ na kurvīta putrapautrasamanvitam||” iti kaurme dinakṣaye upavāsaniṣedhāt | “daśamyekādaśī viddhā dvādaśī ca kṣayaṃ gatā | kṣīṇā sā dvādaśī jñeyā naktaṃ tu gṛhiṇaḥ smṛtam||” iti śātātapokteśca gṛhiṇaḥpūrvetropavāsa ekādaśyāḥ śuddhanyūnatve śuddhasamatve vā dvādaśyā nyūnasamatvayorekādaśyāmupavāsaḥ| yāni tu‘daśamyanugatā hanti’ityādīni kaurmādivacanānidaśamīvedhatrayodaśīpāraṇayo rniṣedhakāni tāni vihitabhinnaparāṇi|atra mūlavacanāni tadvyavasthā cākare sthitā|yattu-hemādrau bahuvākyavirodhenetyādimārkaṇḍeyokteḥ ‘sandigdheṣu ce’ tyādipādmokteśca vedhasandehe jyotirvidāṃ vipratipattau vā parā kāryetyuktaṃ tadvaiṣṇavaviṣayam| atra putravatā smārtena kṛṣṇapakṣīyaikādaśīvrataṃ na kāryaṃ vaiṣṇavena tuputravatāpi kāryamiti sarvanibandhasiddhāṃtaḥ| śeṣamatra nibandhe bhyo'vagantavyaṃ vistarabhiyā na likhitamiti śivam || "śuddhā viddhā dvayī nandā tredhā nyūnasamādhikaiḥ | ṣaṭprakārā punastredhā dvādaśyūnasamādhikaiḥ||"