Dharmapradipa 18.p5

18.p5

na 0 9-... ... ... ... ... da 0 10-... ... ... ... ... e 0 11-... ... ... ... ... jha 0 12-... ... ... ... ... ña 0 13-iyaṃ yogavaśāddāruṇī mahāvāruṇī mahāmahāvāruṇīti| atra gaṅgāsnānanmahāphalamuktaṃ jayamantabhāskare brahmāṇḍe"vāruṇena samāyuktā madhau kṛṣṇatrayodaśī | gaṅgāyāṃ yadi labhyeta śatasūryagrahaiḥ samā ||" iti | vāruṇaṃ śatatārā | jayamantabhāskaramaithilanibandhe tu śanivārayoge mahāvāruṇī śubhayogasāhitye mahāmahāvāruṇītyuktam | tathā ca tatraiva"śanivārasamāyuktā sā mahāvāruṇī smṛtā | gaṅgāyāṃ yadi labhyeta koṭisūryagrahaiḥ samā || śubhayogasamāyuktā śanau śatabhiṣā yadi | mahāmaheti vikhyātā trikoṭikulamuddharet ||" iti| rāmaprakāśe rātrau tādṛśayoge snānaṃ netyuktam| atra śivasannidhau gaṅgasnānātpreto na jāyate tatrodayavyāpinī| sarasvatīstotrapāṭhādāvapīti 'caitrakṛṣṇatrayodaśyāmi' tyādibhaviṣyavacanāt | iyaṃ śivavrate pradoṣavyāpinī dinadvaye tatsattve'sattve vā pūrvā rāmaprakāśe| "trayodaśī tu karttavyā dvādaśīsahitā mune|" iti mādhavīyanirṇayasindhujasmantabhāskareṣu | dinadvaye tatsattve kṣaye ca śuklapakṣe pūrvā | dinadvaye tatsattve kṛṣṇapakṣe pareti | atra śanisomavārayoge'tipraśasteyam | ca0 14-atra kāmamahotsava ukto devīpurāṇe"caitrakṛṣṇacaturdaśyāṃ caretkāmamahotsavam || jugupsitoktibhistatra gītavādyādibhirnṛṇām | bhagavāṃstuṣyate kāmaḥ putrapautrasamṛddhidaḥ ||" iti| atraiva śivasannidhau gaṅgāsnānātpretatvānavāptiḥ 'caitrakṛṣṇe'tyādivacanāt| atra bhaumavārasattve'tipraśastyamatra pūrvāhnavyāpinī grāhyā | ubhayatra tattve kṣaye ca pūrveti dīpikāmadhavīyayoḥ| rāmaprakāśe'pyevam | a0 30-atheyaṃ manvādiraparāhnavyāpinī grāhyā | "pūrvāhne tu sadā grāhyāḥ śuklā manuyugādayaḥ | daive karmaṇi pitrye ca kṛṣṇe caivāparāhvikī||” iti gālavokteḥ|kiñca sarvabhātīyāmāsu somavārasattve snānādeḥsūryagrahaṇasamaṃ phalamuktaṃ rāmaprakāśe śaṅkhena | caturdaśīyuktāpyamā somavārayutā grāhyā | “sinīvālī kuhūvīpi yadi somadine bhavet | gosahasraphalaṃ dadyātsnānaṃ yanmaunino kṛtam ||” iti rāmaprakāśe vyāsokteḥ | atra bhaumavārayogenāpi mauninā'trāruṇodayamārabhya snānakālaparyantaṃ bhāvyam | rāmaprakāśe gauḍagranthadhṛtasmṛteraruṇodaye karatoyājalasnānātsūryagrahaṇaśatasnānajaṃ phalaṃ bhavati|| evaṃ nirūpitamidaṃ gahanaṃ tu kālatattvaṃ vicārya vacanaiśca nayaiśca samyak | taddoṣadṛṣṭimapahāya vivecanīyaṃ vidvadbhirityavirataṃ praṇatosmi teṣu || 1 || marīcirāsītparameṣṭhisūnustasyātmajaḥ kaśyapanāmadheyaḥ|| tadaṅgajāto munikāśyapākhyastadanvavāye budhadevaśarmā 2 śrīdevaśarmavaṃśe dvivediviyogirājobhūt | tadvedasūnuvaryo lakṣmaṇapūrvaḥ prasādārthaḥ || 3 || sudhīmatastato jātaḥ kṛṣṇacandraḥ sudhīmataḥ | yadvidyādānamālakṣya vidhū yannāmani sthitau || 4 || jātena kṛṣṇacandrādvairavadattena rukmiṇyām | dīvyādṛṣṭirupātaḥ kṛto'niśaṃ dharmadīpoyam || 5 || iti śrīṣṭikāṇthapuravāstavyadvivedopanāmakakṛṣṇacandraśarmasūnurukmiṇīgarbhajabhairavadattaśarmmasamuddyotito dharmapradīpaḥ sampūrṇaḥ