Danasagara 104
Dānasāgara 104
- Language
- Sanskrit
104.1
kūrmapurāṇaṃ yathāśakti lekhayitvā'rcitaṃ vaiśākhābhimatatithau brāhmaṇāyorcitāya oṃ adyādi
tubhyamantamuktvā dadyāt | kūrmapurāṇokta-kūrmapurāṇadānaphalaprāptikāmo'hametat kūrmapurāṇaṃ
dadāni | svastyādisvīkārāntaṃ pūrvavat
iti mahārājādhirāja-niḥśaṅka-śaṅkara-śrīmadvallālasenadevaviracite
śrīdānasāgare purāṇadānāvartaḥ
atha brahmadaivatavidyādānāvartaḥ | (43)
tatra vidyādānapraśaṃsā
manuḥ (4|233) :-sarveṣāmeva dānānāṃ brahmadānaṃ viśiṣyate
'vāryanna-gomahīvāsa-tilakāñcanasarpiṣām
104.2
yājñavalkyaḥ (1|212) :-sarvadānamayaṃ' brahma pradānebhyo'dhikantataḥ
taṃ dadat samavāpnoti brahmalokamavicyutaḥ'
104.3
yamaḥ -
ya imāṃ pṛthivīṃ dadyāta sarvaratnaupaśobhitām
dadyācchāstrañca viprāṇāṃ tacca dānañca ca tatsamam
104.4
ādityapurāṇe :trīṇi tulyapradānāni trīṇi tulyaphalāni ca
sarvakāmadughā dhenurgāvaḥ pṛthvī sarasvatī
104.5
viṣṇudharmottare (3|303|1-4) :-vidyā kāmadughā dhenurvidyā cakṣuranuttamam
1 [vidyādānāt paraṃ dānaṃ na bhūtaṃ na bhaviṣyati
104.6
vidyāvān sarvakāmānāṃ bhājanaṃ puruṣo bhavet
tasmādvidyāṃ hi dadatā kiṃ na dattaṃ bhavediha
104.7
parādhyāpanataḥ kleśaṃ puruṣastu yadaśnute
tapastat paramaṃ tasya brahmalokaṃ paraṃ smṛtam
104.8
dānānāmuttamaṃ hye tattapasaśca tathottamam | ]
vidyādānaṃ mahābhāgāḥ10 sarvakāmaphalapradam
Linked texts (3)
- Caturvargacintāmaṇi — Hemādri, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Dānakhaṇḍa — Hemādri, Sanskrit