Pramāṇa · Search · About · API

Danakhanda 91.p14

Dānakhaṇḍa 91.p14

Language
Sanskrit

91.p14

vidyā kāmadughā dhenurvidyā cakṣuranuttamaṃ| vidyādānātparaṃ dānaṃ na bhūtaṃ na bhaviṣyati || vidyāvān sarvvakāmānāṃ bhājanaṃ puruṣo bhavet| tasmādvidyā hi dadatāsarvvaṃ dattaṃ bhavediha || parādhyāpanaśakto hi puruṣastu yadaśrute| tapastatparamantasya brahmalokasamaṃ smṛtaṃ || dānānāmuttamaṃ loke tapasaśca tathottamaṃ| vidyādānaṃ mahābhāgaḥ sarvvakāmaphalapradaṃ || devīpurāṇe | vidyāvivekabodhena śubhāśubhavicāraṇāt | vindate sarvvakāmāni yasmādvidyā parā matā || vidyādānātparaṃ dānaṃ trailokye'pi na vidyate | yena dattena cāpnoti śivaṃ paramakāraṇam || tathā siddhāntamokṣaśāstrāṇi vedāḥ svargādisādhakāḥ | vedāṅgānītihāsāśca deyā dharmmavivṛddhaye || gāruḍaṃ bālatantrañca bhūtatantrāṇi bhairava | śāstrāṇāṃ pāṭhanāddānānmātaraḥ phaladā nṛṇāṃ || jyotiṣaṃ vaidyaśāstrāṇi kalāḥ kāvyaṃ śubhāgamāḥ | dānādārogyamāpnoti gāndharvvaṃ labhate padaṃ | vidyayā varttate loko dharmmādharmmañca vindati || vidyā tasmāt sadā deyā dṛṣṭādṛṣṭaphalārthibhiḥ | viṣṇudharmottare | dharmaśāstrapradānena dharmeṇa saha modate | siddhāntānāṃ pradānena mokṣaṃ prāpnoti vaidikam† || śāstrāṇi dattvā cānyāni naraḥ svarge mahīyate | nandipurāṇe | vidyāścaturddaśa proktāḥ krameṇa tu yathāsthitiḥ

Linked texts (2)