Danasagara 126.3
Dānasāgara 126.3
- Language
- Sanskrit
126.3
pāpeṣu niratāḥ sarvadeti vacanādatipracurapāpakṣayārthamidaṃ deyam | uktadinānāmanyatame'rcitāya brāhmaṇāya prasiddhānāmanyatamamarcitaṃ yānaṃ dadyāt | oṃ adyāmukasagotrāyāmukavedāmukaśākhādhyāyine'mukadevaśarmaṇe tubhyamāgneyapurāṇokta-yāna-dānaphalaprāptikāmo'hametadyānaṃ
dadāni | pratigrahītā svastītyuktvā sāvitrīṃ paṭhitvā yānamidaṃ viṣṇudaivatamityuktvā yathāśākhaṃ
kāmastutiṃ paṭhet | tata oṃ adya kṛtaitaddānapratiṣṭhārthaṃ tubhyamahaṃ dakṣiṇāmidaṃ kāñcanaṃ dadāni
pratigrahītā svastītyuktvā yānamārohet
ādityapurāṇe :tīrthe taḍāgakūpādinaukāsetupradāśca ye | ]
skandhena tārayed yastu tṛṣārtānāṃ jalapradaḥ