Danasagara 53.1

53.1

dānadinapūrvataradine 'pūrvavaddhaviṣyabhojanādi kṛtvā sūryādidevatābhyaḥ sopavāsaviṣṇudharmoktavāsudevaghṛtakṣīrasnapanapūjāpūrvakaṃ [ghṛtadhenudānakarma mayā karttavyamiti nivedya saṅkalpaṃ kuryyāt
oṃ śva upoṣyāparadine viṣṇudharmoktaghṛtārcirghṛtakṣīra-snapana-pūjāpūrvakaṃ] dānāntaraikaratnāvaghṛtāhāratvasahitaṃ ghṛtadhenudānakarmmāhaṃ kariṣye | tato niyamena suptvā'paradine upoṣyāparadine
snātvā vāsudevaṃ ghṛtakṣīrābhyāṃ snāpayitvā oṃ ghṛtārciṣe nama iti yathāvidhi sampūjya vaiṣṇavastavena
3stutvā yathoktarūpāṃ ghṛtadhenuṃ 'taccaturthabhāgakalpita-tadbhavatsasahitā-marcitāmarcitāya
vidyātapaḥśāline ghṛtārcirayamiti dhyātarūpāya brāhmaṇāya oṃ etāṃ mamopakārāya ityādimantraṃ
paṭhitvā oṃ adyādi tubhyamantamuktvā dadyāt | viṣṇudharmoktaghṛtadhenudānaphalaprāptikāmo'hametāṃ
dhenucaturthabhāgaghṛtakalpita--puṣpamālā-- vibhūṣita-- kāṃsyopadoha--sitavastrayugācchādita--hiraṇya-garbhamaṇividrumamauktikasahitekṣuyaṣṭimayapāda - raupyakhura-sauvarṇākṣiyugāgurukapramathaśṛṅga--saptadhānyapārśvadvaya-pannorṇagalakambala-turuṣkakarpūraghrāṇa-phalastana-śarkarājihva--guḍakṣīramukha--caumasūtralāṅgūlasitasarṣaparomaka-tāmrapṛṣṭha-vatsaṃsahitāṃ gavyaghṛtakumbhamayīṃ puṣpamālā- vibhūṣitāṃ kāṃsyopadohāṃ
sitavastra -yugācchāditāṃ hiraṇyagarbhā maṇividrumamuktāsahitāmikṣuyaṣṭi-''pādāṃ raupyakhurāṃ
sauvarṇākṣiyugāmagurukapraśṛṅgīṃ sapta-¹² dhānyobhayapārśvāṃ patrorṇagalakambalāṃ turuṣkakarpūraghrāṇāṃ phalastanoṃ śarkarājihvāṃ guḍakṣīramukhīṃ caumasūtralāṅgūlāṃ sitasarṣapa - 13 romakāṃ tāmrapātrapṛṣṭhāṃ ghṛtadhenuṃ
dadāni| svastyādivikārāntaṃ pūrvavat | tato yajamāno ghṛtamālāhārastaddinaṃ niyato'tivāhayet''
viṣṇudharmottaroktadhenudānāni
atha ghṛtadhenudānam
viṣṇudharmottare (3|307|1-15) :—
ghṛtadhenupradānañca nibodhata dvijottamāḥ
gavyasya sarpiṣaḥ kumbhaṃ pūrṇantu parikalpayet