Danasagara 63.27

63.27

dānadināt pūrvvaṃ saptamadine prātaḥ snātvā udaṅmukho gṛhītodapūrṇatāmra-pātraḥ saṅkalpaṃ
kuryāt | 'oṃ' trirātrasthaṇḍilaśayana-rūpaprācyāṅga-sahitaṃ trirātragorasāhāra-rūpodocyāṅgasahitañca viṣṇu-dharmottaroktakapila- gavīdānakarmmahaṃ kariṣye' | tadavadhi trirātraṃ [haviṣyabhojanādikaṃ bhuktvā] bhūmau svapet | trirātrañca gorasamātnāhāro bhūtvā dānadine prātaḥ snātvā
gāṃ ghāsānnādibhistarppayitvā uktopakaraṇayutāṃ kṛtvā'bhyarcya brāhmaṇāyārcitāya prathamaṃ
suvarṇādiparitoṣitāya [vāsasā''cchāditāya oṃ] adyādi tubhyamantamuktvā dadyāt | viṣṇudharmottaroktasthaṇḍilaśayana- [sahitakapila]-gavodāna- phalaprāptikāmo'hametāṃ hemaśṛṅgīṃ rūpyakhurāṃ muktābhūṣitalāṅgalām ahatāmbarasaṃvītā kāṃsyopadohanāṃ gāṃ dadāni | svastyādisvīkārāntaṃ pūrvvavat
taddināt prabhṛti trirātraṃ gorasāhāro bhavet | kapilagavīdānavākye tu akapilasthāne
kapilapada-niveśo viśeṣaḥ
iti mahārājādhirājaniḥśaṅka-śaṅkaraśrīmallakṣmaṇasenadevaviracite
śrīdānasāgare alaṅkṛtagavīdānāvarttaḥ
athālaṅkṛtabahugavīdānāni | (5)
mahābhārate ( anu- 57