Danakhanda 1.p306
Dānakhaṇḍa 1.p306
- Language
- Sanskrit
1.p306
tathā| śrāntasamvāhanaṃ rogi paricaryyā surārccanam| pādaśaucaṃ dvijocchiṣṭamārjanaṃ gopradāsamam || yamaḥ| dattvā pratiśrayaṃ loke tathādattvaivacābhayam | tathā dattvā citiṃ vipre brahmaloke mahīyate || chatrado gṛhamāpnoti gṛhado nagarantathā | tathopānatpradānena rathamāpnotyanuttamam || indhanānāṃ pradānena dīptāgnirbhuvi jāyate | gavāṃ grāsa-pradānena sarvvapāpaiḥ pramucyate || ratnadaḥ sarvvamāpnoti rūpyado rūpamuttamam | vāsodaścandrasālokya sūryyasālokyamambaradaḥ || rājopakaraṇaṃ dattvā ratnāni vividhāni ca | nagarañca tathā dattvā rājā bhavati bhūtale || tathā| devamālyāpanayanaṃ devāgārasamūhanam | arcanañcaiva viprāṇāṃ dijocchiṣṭāpakarṣaṇam || pādaśaucapradānañca prakalpya paricāraṇam | pādābhyaṅgapradānañca śrāntasamvāhanantathā || gavāṃ kaṇḍūyanañcaiva grāsadānābhivandane | bhikṣādīpapradānañca tathaivātithipūjanam || ekaikasya phalaṃ prāha gopradānasamaṃ yamaḥ | yastu sambhṛtya sambhāraṃ brāhmaṇebhyaḥ prayacchati || tasya puṇyakṛtān lokān na vaktuṃ prabhavāmyaham
Linked texts (3)
- Garuḍapurāṇa — Vyāsa, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit