Danakhanda 1.p309.2

1.p309.2

samaṃ sarveṣu bhūteṣu tasya duḥkhaṃ na vidyate || kālikāpurāṇe | abhyaṅgamiśranaṃnauraṃśayanāsanameva ca | dadyādgavāhnikaṃ caiva tamuddiśya dine dine || kāyināmannadānantu taduddiśya nivedayet | athavā kiṃ pralāpena yat kiñcit sukṛtaṃ bhuvi || kurvaṃstatpadamāpnoti śivamuddiśya līlayā | devīpurāṇe | dravyaṃ bhū-hema-go-dhānyantilavastraghṛtādikam || vidhinā copavāsena ekātranaktabhojanāt | śucinā bhāvapūtena svāsthā satyavratādinā || api sarṣapamātrasya dātārantārayeddadat | ādityapurāṇe || athāśvadānādbhūdānāt prīto bhavati keśavaḥ || gur̤a-cīra-ghṛtairvastraiḥ prīto bhavati candramāḥ | jaladānācca varuṇaḥ suprasanno bhavet sadā | rajatena ca dattena prītaḥ syācca maheśvaraḥ || suvarṇena tu dattena vahnirnityaṃ prasīdati | hastyaśvarathayānaiśca maghavānāsanaistathā || śayanervveśmabhiścamaṃśūceṣṇoṣṇāṃśukha ca | upānahvayāṃ yamogobhiḥ saurabheyaḥ kaparddinaḥ || pādukābhyāṃ pradattābhyāṃ padmayoniḥ pratuṣyati | alaṅkāraistathā mānyairjaganmātā ca pā‌rvvatī || skandapurāṇe | yo gāñca mahiṣīṃ dadyāt sālaṅkārāṃ payasvinīṃ | kāṃsyavastrādibhiryuktāṃ sa kāmān labhate khilān || saurapurāṇe | kṛṣṇājinañca mahiṣī meṣo ca daśadhenavaḥ | brahmalokapradāyinyastulāpuruṣa eva ca || vahnipurāṇe | yānamaśvamanaḍḍāhaṃ hemarūpyamaṇīṃstilān | ye pracchantinyapāpeṣu niratāḥ sarvvadā mune | na teṣāṃ bhairavaḥ panthā kadācidapi jāyate || viṣṇudharmottare haṃsauvāca | narastvāsanadānena sthānaṃ sarvvatra vindati | śayyādānena cāpnoti bhāryyāṃ brāhmaṇasattamāḥ ||