Danakhanda 1.p32

1.p32

adeśakāle yaddānamapātrebhyaśca dīyate | asaṃskṛtamavajñātaṃ tattāmasamudāhṛtam || viṣṇudharmottarāt || kṛtāni vidhihīnāni vañcanārthaṃ parasya vā | krodhalobhābhibhūtena-tāmasāni vinirdiśet || sātvikāni bhavantīha śraddhayā parayā dvija | tāmasānāṃ phalaṃ bhuṅkte tiryyaktve mānavaḥ sadā || varṇasaṃskārabhāvena vārdhake yadi vā punaḥ | bālye vā dāsabhāve vā nātra kāryā vicāraṇā || ato'nyathā tu mānuṣye rājasānāṃ phalaṃ bhavet | sātvikānāṃ phalaṃ bhuṅkte devatve nātra saṃśayaḥ || matsyapurāṇāt || yeṣāṃ pūrvvakṛtaṃ karma sātvikaṃ manujottama | pauruṣeṇa vinā teṣāṃ keṣāñciddṛśyate phalam || karmaṇā prāpyate loke rājasasya tathā phalam | kṛcchreṇa karmaṇā viddhi tāmasasya tathā phalam || gārur̤apurāṇāt | kāyikaṃ vācikaṃ dānaṃ mānasañca tridhā matam | arhate yatsuvarṇādidānaṃ tatkāyikaṃ matam || ārttānāmabhayaṃ dadyotyetadvai vācikaṃ smṛtam | vidyayāsyādyayā yogi taddānaṃ mānasaṃ dvijāḥ || hārītaḥ | asaddravyadāna-masvargaṃ,† yacca dattvā paritapyate tarhyadānaphalaṃ, yaccopakāriṇe dadāti tanmātraṃ parikliṣṭaṃ,‡ yacca sopadhaṃ