Danakhanda 1.p341

1.p341

ehyehi sarvvāmarahavyavāha munipravīrairabhitobhijuṣṭaḥ | tejovatā lokagaṇena sārddhaṃ mamādhvaraṃ rakṣatu te namaste | oṃ agnaye namaḥ | ehyehi vaivasvata dharmarāja sarvvāmarairarcitadharmamūrtte | śubhā-śubhā-nanda-śuṣāmadhīśa-śivāya naḥ pāhi makhaṃ namaste || oṃ yamāya namaḥ | ehyehi rakṣogaṇanāyakastvaṃ viśālavetāla-piśācasaṅghaiḥ | mamādhvaraṃ pāhi śubhādhinātha lokeśvarastvaṃ bhagavannamaste || oṃ nirṛtāya namaḥ | ehyehi yādogaṇavāridhīnāṃ gaṇena parjanyasahāpsarobhiḥ | vidyādhare-ndrā-maragīyamānaḥ pāhi tvamasmān bhagavannamaste || oṃvaruṇāya namaḥ || ehyehi yajñeśvara rakṣaṇāya mṛgādhirūḍhaḥ saha siddhasaṅghaiḥ | prāṇādhipaḥ kālakaveḥ sahāya gṛhāṇa pūjāṃ bhagavannamaste || oṃ vāyave namaḥ | ehyehi yajñeśvara yajñarakṣāṃ vidhatsva nakṣatragaṇena sārddham | sarvvauṣadhībhiḥ pitṛbhiḥ sahaiva gṛhāṇa pūjāṃ bhagavannamaste || oṃ somāya namaḥ | ehyehi viśveśvara nastriśūla-kapāla-khaṭvāṅgadhareṇa sārddham | lokena bhūteśvara yajñasiddhayai gṛhāṇa pūjāṃ bhagavannamaste || oṃ īśānāya namaḥ | ehyehi pātāladharā-marendra nāgāṅganā-kinnaragīyamāna | yakṣo-ragendrā-maralokasārddham ananta rakṣādhvaramasmadīyam || oṃ anantāya namaḥ | ehyehi viśvādhipate surendra lokena sārdhaṃ pitṛdevatābhiḥ | sarvvasya dhātāsyamitaprabhāvo viśvādhvaratnaḥ satataṃ śivāya || oṃ brahmaṇe namaḥ | trailokye yāni bhūtāni sthāvarāṇi carāṇi ca | brahma-viṣṇu-śivaiḥ sārddhaṃ rakṣāṃ kurvvantu tāni me || deva-dānava-gandharvvā yakṣa-rākṣasa-pannagāḥ | ṛṣayo munayo gāvo devamātara eva ca || ete mamādhvare rakṣāṃ prakurvvantu mudānvitāḥ | ityāvāhya surān dadyādṛttvigbhyo hemabhūṣaṇam || kuṇḍalāni ca sūtrāṇi haimāni kaṭakāni ca | aṅgulīyaṃ citrāṇi vāsāṃsi śayanāni ca || dviguṇaṃ gurave dadyādbhūṣaṇācchādanādikam | japeyuḥ śāntikādhyāyaṃ jāpakāḥ sarvvatodiśam || upoṣitāstataḥ sarvve kurdhvaivamadhivāsanam | ādāvante ca madhye ca kuryyādbrāhmaṇavācanam || 'śāntikādhyāyaḥ' śannaindrāgnī bhavatā mavobhirityādikaḥ | upavāsāśaktau naktamuktam | padmapurāṇe | upavāsī bhaveddeva aśaktau naktamiṣyata iti | evaṃ pūrvedyuradhivāsanaṃ kṛtvā sarvve tatraiva vaseyuḥ | tataḥ anyedyurdānakālasamīpe brāhmaṇavācanaṃ vidhāya pūrṇāhutiprabhṛtikarmmasamāptiṃ kuryyāt | ātyayikakāryāpattau sadyovādhivāsanavidhiḥ | taduktaṃ | sadyo'dhivāsanaṃ vātha kuryyādyo vikalo nara iti | athāyarvvagopathabrāhmaṇe | ṛtvigyajamānau keśa-śmaśru-nakhāni vāpayitvā saṃbhārānukalpadravyantattadājyabhāgāntaṃ kṛtvā ayaṃ no agniriti mahāvyāhṛtayo brahmayajñānamantre gobhiranmevyāvarttinamantraiḥ prajātaṃ yadābannavitimrāntyudakena sampātamānoya snānakalaśeṣu nirvvapedidamāpa śrāpohiṣṭhāvāṅbhyāmabhiṣecayedyavottamañjanābhyañjanānulepanaṃ kārayitvā vāso gandhān srajaśvāvadhvābhijinuhūrtte tulāṃ hiraṇyavatsyaiḥ pavitrairabhyukṣya gandha-puṣpa-dhūpairarcayitvā upahārāṃśca dattvā rājānamārghyārthaṃ dattvā tulāmārāpayet | matsyapurāṇe| tato maṅgalaśabdena snāpito vedapuṅgavaiḥ