Danakhanda 1.p6

1.p6

tatra nyāyārjitārtho'stistato bhaktyābhiriṣyate || labdhaitadguṇasaṃyogaṃ tīrthaṃ pātrañca parvva ca | dānāni ye prayacchanti kṛtārthāste narā bhuvi || agastyaḥ | gobhirvipraiśca vedaiśca satībhiḥ satyavādibhiḥ | alubdhairdānaśīlaiśca saptabhirdhāryyate mahī || yairna bhuktaṃ na ca hutaṃ na tīrthe maraṇaṃ kṛtam | hiraṇyamannamudakaṃ brāhmaṇebhyo na cārpitam || dīnā vivasanā rūkṣāḥ kapālāṅkitapāṇayaḥ | dṛśyante hi mahārāja jāyamānāḥ punaḥ punaḥ || viṣṇudharmāt | sīdate dvijamukhyāya yo'rthine na prayacchati | sāmarthye sati durbuddhirnirakāyopapadyate || kūrmmapurāṇe | yastu dravyārjanaṃ kṛtvā nārthayet brāhmaṇān surān | sarvvasamapahṛtyainaṃ rājā rāṣṭrāt pravāsayet || brahmapurāṇe | sadācārāḥ kulīnāśca rūpavantaḥ priyaṃvadāḥ | bahuśrutāśca dharmajñā yācamānāḥ parān gṛhāt† || dṛśyante duḥkhinaḥ sarve prāṇinaḥ sarvvadā mune | adattadānājjāyante parabhāgyopajīvinaḥ || vyāsaḥ | accarahayamabhyastaṃ nāsti nāstīti yatpurā | tadidaṃ dehi dehīti viparītamupasthitam || skandapurāṇe | bodhayanti na yācante dehīti kṛpaṇaṃ janāḥ | avaśyeyamadānasya mābhūdevaṃ bhavānapi