Danakhanda 1.p64

1.p64

brahmapurāṇe| yat kanyāsu pitā kuryyāddānaṃ pūjanamarccanam | yatkṛtaṃ sukṛtaṃ vidyāttāsu dattaṃ tadakṣayam | yaddattaṃ tāsu kanyāsu taddānaṃ putrameva ca || kālikāpurāṇāt | yaddattaṃ vedavidvipre yaddattaṃ brahmacāriṇi | taponidhestu yaddattaṃ kāruṇyena ca yat sadā | tat sarvvamakṣayaṃ dānaṃ vaimalyena vidhāya yat || viṣṇudharmmottarāt | annadāne na karttavyaṃ pātrāpekṣaṇamaṇupi | annaṃ sarvvatra dātavyaṃ dharmmakāmena vai dvija || sadoṣe'pi tu nirdoṣaṃ saguṇe'pi guṇāvaham | tasmāt sarvvaprayatnena deyamannaṃ sadaiva tu || vidyā-dhyayanasaktānāmannadānaṃ mahāphalam || tathā| dattvā nṛpatibhītānāṃ dhanināñca tathā dhanam | taskarebhyaśca bhītānāṃ phalamakṣayamucyate || striyatāṃ tathā dattaṃ vyasanaṃ tartumicchatām | duḥkhānvitānāṃ dīnānāmakṣayaṃ parikīrttitam || vivāha-mekhalābandha-pratiṣṭhādiṣu karmmasu | āpatneṣu tu yahattamakṣayaṃ tadudāhṛtam || sambarttaḥ| dānānyetāni deyāni tathānyāni ca sarvvaśaḥ | dīnā-ndha-kṛpaṇā-rthibhyaḥ śreyaḥkāmena dhīmatā || padmapurāṇe| dīnā-ndha-kṛpaṇā-nātha-vāndhivihīneṣu yattathā | vikaleṣu tathānyeṣu jar̤a-vāmana-paṅguṣu | rogārteṣu ca yahattaṃ tatsyādaṅkaphalaṃ dhanam || atha apātranirūpaṇam | tatramanuḥ| gorakṣakān vāṇijakāṃ stathā kāru-kuśīlavān | praiṣyānavārddhuṣikāṃścaiva viprān śūdravadācaret || ye vyapetāḥ svakarmmabhyaḥ parapiṇḍopajīvinaḥ | dvijatvamabhikāṅkṣanti tāṃśca śūdravadācaret || nāṭyambhāṅgāravo bhavati navaśimba kuśīlavaḥ | na śūdrapreṣaṇaṃ kurvvannaseno na cikitsakaḥ || avratā hyanadhīyānā yatra bhaikṣacarā dvijāḥ | taṃ grāmaṃ daṇḍayedrājā caurabhaktapradohi saḥ || vasiṣṭhaḥ| udaśvāntyāsate yeṣāṃ yeca kecidarājayaḥ | kulasyāśrotriyaṃ yeṣāṃ sarvve te śūdradharmiṇaḥ