Danakhanda 145.p2

145.p2

prakṣālyaṃ pañcagavyena sthāpayet kuṅkumopari | śvetavastreṇa saṃveṣṭya gandhamālyaiḥ samarcayet || upacāraiḥ ṣoḍaśabhirācāryyo vaiṣṇavaḥ śuciḥ | sarvvaśāstrārthatattvajño brahmavidyāsuniṣṭhitaḥ || homañca kārayettatra hyāgneyyāṃ diśi śāstrataḥ | samidājyatilaiścaiva mūlamantreṇa vai samit || ājyaṃ nārāyaṇāyeti tilām vyāhṛtibhirhunet | rogī tathārccayeddevaṃ nārāyaṇamanāmayaṃ | mūlamantreṇa vidhivannaivedyaṃ caruṣyite | namontaṃ nāma soṅkāraṃ mūlamantraḥ prakīrttitaḥ || tatastāṃ pratimāndadyāt prāṅmukhāya hyudaṅmukhaḥ | mantreṇānina vidhivadbhaktyā paramayā yutaḥ || nārāyaṇa jagannātha śaṅkhacakragadādhara | pūrvvajanmani yajjñātervighnādyaddaikṛtaṃ mama || andhatvaṅtimahārogaṃ dānenānena toṣitaḥ | cakrahasta gadāpāṇe śamayāśu jagatpate