Danakhanda 183.p40
Dānakhaṇḍa 183.p40
- Language
- Sanskrit
183.p40
sopavāsastathā jyeṣṭhe pūrṇe tulasīlakṣaye | upānahau tathā chatraṃ dattvātyantaṃ sukhau bhavet || āṣāḍhyāmannadānena prāpnotyannaṃ tathā vahu | jaladhenupradānena śrāvaṇyāṃ svargamāpnuyāt || godānaṃ proṣṭhapadyāṃ vā paurṇamāsyāṃ mahāphalaṃ || āśvayujyāṃ kāṃsyapātraṃ ghṛtapūrṇaṃ dvijātaye | sasuvarṇaṃ tathā dattvā dīptaujāstviha jāyate || kārttikyāṃ candravarṇābhaṃ anyavarṇamathāpi vā| ratnairgandhai stathā dhānyai vījairvastrai stathaiva ca || kṛtvā coktamathokṣāṇaṃ dattvā dīpaṃ samantataḥ | candrodaye narodattvā sarvvapāpaiḥ pramucyate || kāntāre yamamārge tu tenāso vrajate sukhaṃ | prāpnoti putrapautrāṃśca sūryyalokaṃ ca gacchati || mārgaśīrṣe tathā māsi pūrṇe snigdhiradīdhitau | mahārajataraktena vāsasā tu mahīpate || ācchādya kāṃsyapātre tu kṛtvā somaṃ samāhitaḥ | lavaṇasya tu mukhyasya saṃpūrṇa sūkṣmamārgakaṃ
Linked texts (4)
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit