Danakhanda 183.p46

183.p46

āha viṣṇuḥ | mārgaśīrṣe pañcadaśyāṃ śukle mṛgaśiroyuktāyāṃ ca cūrṇitalavaṇasya suvarṇanābhaprasthamekaṃ candrodaye brāhmaṇāya pratipādayet anena karmaṇā rūpasaubhāgyavānabhijāyate, pauṣī cet puṣyayuktā syāttasyāṃ gaurasarṣapakalkenocchāditaśarīrogavyaghṛtapūrṇakumbhenābhiṣiktaḥ sarvvauṣadhibhiḥ sarvvagandhaiḥ sarvvabījaiśca snātaḥ ghṛtena ca bhagavantaṃ vāsudevaṃ snāpayitvā puṣpa-gandha-dhūpa-dīpa-naivedyādibhiścābhyarcya vaiṣṇavaiḥ śānte vārhaspatyaiśca mantraiḥ pāvakaṃ hutvā suvarṇena ghṛtena brāhmaṇaṃ svastivācayedvāsoyugaṃ kartre dadyādanena karmmaṇā puṣyati, māghīmaghāyuktācetsyāttasyāntilaiḥ snānaṃ kṛtvā pūto bhavet bhojanārthaṃ śrāddhe tilān dattvā sarvvajanapriyobhavati, phālgunī phālgunībhiryutācettasyāṃ brāhmaṇāya susaṃskṛtaṃ svāstīrṇaśayanaṃ nivedya bhāryyāṃ manojñāṃ padmavatīṃ draviṇavatīṃ cāpnoti, nāryyapi bharttāraṃ, caitrī citrāyutācettasyāṃ citravastradānena saubhāgyamāpnoti, vaiśākhyāṃ paurṇamāsyāṃ brāhmaṇasaptakaṃ kṣaudrayuktaistilaiḥ santarpya dharmarājānaṃ, prīṇayitvā pāpebhyaḥ pūtobhavati, jyaiṣṭhī jyeṭhāyutācettasyāṃ chatropānatpradānena nagarādhipatyamāpnoti, āṣāḍhyāmāṣāḍhāyutāyāmannapānadānena tadevākṣaya māpnoti, śrāvaṇyāṃ śravaṇayutāyāṃ jaladhenumannavāsoyugānvitāṃ dattvā svargalokamavāpnoti, prauṣṭhapadyāntadyuktāyāṃ godānena sarvvapāpavinirmukko bhavati, āśvayujyāmaśvinīgate candramasi ghṛtapūrṇabhājanaṃ suvarṇayutaṃ viprāya dattvā dīptāgnirbhavati, kārttikīcet kṛttikāyuktā syāttasyāṃ sitamuktāṇamanyavarṇaṃ vā śaśāṅkodaye sarvvasasya, ratna-gandhopetaṃ dīpamadhye brāhmaṇāya dadyāt kāntārabhayaṃ na paśyati