Danakhanda 185.p89

185.p89

śayyādānañca yodadyāttasyāpi śṛṇu vistaraṃ | sarvvakāleṣu dātavyaṃ tathā puṇyadineṣu ca || gajadantaiḥ pravālairvvā suvarṇairajatena vā | kāryā gātrāṇi pādāśca valabhyaśca sadakṣiṇāḥ || alābhepi ca karttavyāstulyakāṣṭhamayāḥ śubhāḥ | samśrāmrapaṭalākārairāstīrṇāstaraṣaiḥ śubhaiḥ || śirodharaiḥ savitānaiḥ prākārairvastrasaṃyutaiḥ | maṇisauvarṇapātraiśca raupyai stāmraiśca saṃyutāṃ || phala-puṣpaiḥ sugandhaiśca tāmbūlādyaiḥ suvistaraiḥ| darpaṇaiḥ padacāṇaiśca nānādravyairvibhūṣaṇaiḥ || catuṣkoṇeṣu saṃsthāpya yathāśakti yudhiṣṭhira | ghṛta-kuṅkuma-godhūma-pūrṇa pātraṃ jalasya ca || śayyāṃ saṃpūjayitvā tu madbhakto matparāyaṇaḥ | kṛtāñjalipuṭo bhūtvā kuryyācchayyāpradakṣiṇam || namaḥ pramāṇe devyeti praṇamya ca caturdiśaṃ | brāhmaṇāya daridrāya śrutādhyāyanaśāline || tathā prajñānaviduṣe śayyāṃ dadyādvicakṣaṇaḥ | tasya dānasya yatpuṇyaṃ vimānaṃ kanakojjvalaṃ || nānāratnasamākīrṇaṃ nānāpuṣpasamanvitaṃ | nānādivyāpsaraḥsevyaṃ nānāratnaiḥ samāhṛtaṃ || nānādravyopasaṃyuktaṃ vimānamadhirohati | tasmādindrapuraṃ gacchet sevyamāno'psarogaṇaiḥ || ṣaṣṭivarṣasahasrāṇi krīr̤ayitvā yathāsukhaṃ | indralokātparibhraṣṭa iha loke nṛpo bhavet || ṣaṣṭiyojanavistīrṇe svāmī bhavati maṇḍale | dharmmajño jita bhṛtyaśca tejasvī rūpavāṃstathā || mahābhārate | śayyāmāstaraṇopetāṃ supracchādanasaṃvṛtāṃ | pradadyādyastu viprāya śṛṇu tasyāpi yatphalaṃ || surūpaḥ subhagaḥ śrīmān strīsahasrābhisaṃvṛtaḥ | daśavarṣasahasrāṇi svargaloke mahīyate