Danakhanda 189.p2
Dānakhaṇḍa 189.p2
- Language
- Sanskrit
189.p2
tatrotsargapūrvvadivase taḍāgādyutsargaṃ kariṣya iti vihita saṃkalpo yajamāno vṛddhiśrāddhamābhyudayikaṃ vidhāya brāhmaṇavācanaṃ kuryyāt | vāstupūjā cātra karttavyā | yatastadakaraṇe matsyapurāṇe doṣaḥ śrūyate | vāstupūjāmakurvvāṇastavāhāro bhaviṣyatīti || tat prakārastu gṛhadāne darśitaḥ | hastādilakṣaṇa muktaṃ paribhāṣāyāṃ| garttāḥ, kuṇḍāni | tāni ca catasṛṣu dikṣu catvāri, aiśānyāṃ pañcamaṃ, ācāryyakuṇḍamiti pañca kuryyāt | patākāstu prācyādipradakṣiṇadikviditsu pīta-rakta-kṛṣṇanīlāñjananibhaśukla-kṛṣṇa-harita-sarvvavarṇāḥ kāryyāḥ | dhvajastu kiṅkiṇīkālaṅkṛtaḥ | ācāryyapramukhān pañcaviṃśatibrāhmaṇān amuko'rthayanne'sāhaṃ yakṣye, tatra me tvamṛtvigbhavetyādi dattvā madhuparkeṇābhyarcayet | pratigarttaṃ ṣu kalaśo yajñopakaraṇāni ca | vyajane cāsane śubhre tāmrapātre suvistare || tatastvanekavarṇāḥ syurvvalayaḥ pratidaivataṃ | ācāryyaḥ prakṣipeddravyamāvṛtamantrairvicakṣaṇaḥ || aratnimātro yūpaḥ syāt kṣīravṛkṣavinirmmitaḥ | yajamānapramāṇo vā saṃsthāpyo bhūtimicchatā || hemālaṅkāriṇaḥ kāryyāḥ pañcaviṃśatitrṛtvijaḥ | kuṇḍalāni ca haimāni keyūra-kaṭakāni ca
Linked texts (6)
- Padmapurāṇa — Vyāsa, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Rājadharmakaustubha — Anantadeva 1645, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakalpataru — Lakṣmīdhara, Sanskrit