Danakhanda 2.p1

2.p1

sanatkumāra uvāca | rājñāṃ ṣoḍaśadānāni nandinā kathitāni ca | dharmakāmārthamuktyarthaṃ karttavyaiva mahātmanām | tulādhirohaṇādyāni śṛṇu tāni yathātatham || grahaṇādiṣu kāleṣu śubhe deśe suśobhane | viṃśaddhastapramāṇena maṇḍapaṃ kūṭameva vā || aṣṭādaśahastena kalāhastena vā punaḥ | kṛtvā vediṃ tathā madhye navahastapramāṇataḥ || aṣṭahastena vā kuryyāt saptahastena vā punaḥ | dvihastāddarddhahastā vā vedikā cāti śobhanā || dvādaśastambhasaṃyuktā sādhuramyāgramastakā | paritonava kuṇḍāni caturastrāṇi kārayet || indra-īśānayormadhye pradhānaṃ brahmaṇaḥ sutaḥ | atha vā caturasrañca yogyākāramataḥ param || strīṇāṃ kuṇḍāni viprendra yonyākārāṇi kārayet || arddhacandraṃ trikoṇañca varttulaṃ kuṇḍamuttamam | ṣaḍasraṃ sarvvatovāpi trikoṇaṃ padmasaṃnnibham || aṣṭāsraṃ sarvvamārgeṣu sthaṇḍilaṃ kevalantu vā | caturddhāra samopetaṃ catustoraṇabhūṣitam || diggajāṣṭakasaṃyuktaṃ darbhamālāsamāñcitam | aṣṭamaṅgalasaṃyuktaṃ vitānopari śobhitam || tulāyāśca dramāśrāya vilvādyāśca viśeṣataḥ | bilvā-śvattha-palāśā-dyāḥ kevalaṃ khadirantu vā || evaṃ stambhāḥ kṛtā yena tena sarvvantu kārayet | atha vā miśramārgeṇa veṇunā vā prakalpayet || aṣṭahastapramāṇantu hastadvayasamāyatam | tulāstambhasya viṣkambho nāhastattiguṇo mataḥ || dvyaṅga lena vihīnantu suvṛttaṃ nirvvraṇaṃ tathā | ubhayorantarañcaiva ṣaḍḍhastaṃ nṛpateḥ smṛtam || dvayoścaturhastakatamantaraṃ stambhayorapi | ṣaḍ hastamantaraṃ jñeyaṃ tayoruparisaṃsthitam || vitastimātravistāraṃ viṣkambhāstāvadaṅgulaḥ | stambhayostu pramāṇena uttaraṃ hārasammitam || ṣaṭ triṃśamātrasaṃyuktaṃ vyāyāmantu tunātmakam | viṣkambhamaṣṭamātrantu yavapañcakasaṃyuktam || ṣaṭ triṃśamātranālaṃ syānnirvvraṇaṃ varttulaṃ śubham