Danakhanda 2.p11

2.p11

ādhyāyinīñca saṃRoadpūjya devaṃ padmāsane raviṃ | prabhūtaṃ prāk prakarttavyaṃ vimalaṃ dakṣiṇe tathā || sāraṃ paścimabhāge ca ārādhyaṃ cottare yajet | madhye sukhaṃ vijānīyāt kesareṣu yathākramaṃ || dīptāṃ sūkṣmāṃ jayāṃ bhadrāṃ vibhūtiṃ vimalāṃ kramāt | amoghāṃ vidyutāñcaiva madhyataḥ sarvvato mukhīm || somamaṅgārakañcaiva budhaṃ jīvamanukramāt | bhārgavañca tathā mandaṃ rāhuṃ ketuṃ samantataḥ | pūjayehomayedarghyaṃ dāpayecca viśeṣataḥ || brāhmaṇān bhojayettatra vedavedāṅgapāragān | vidyādhyayanasampannān kṛtvaivaṃ vidhivistaraṃ || home pravarttamāne ca pūrvvadika sthānamadhyame | ārohayedvidhānena rudrādhyāyena vai nṛpaṃ || dhārayettatra yajvānaṃ ghaṭikaikāvidhānataḥ || yajamāno japenmantraṃ rudragāyatrisaṃjñakaṃ | ghaṭikārddhaṃ tadarthaṃ vā tatraivāsanamārabhet || ālokya vasanaṃ dhīmān kūrccahastaḥ samāhitaḥ | nṛpaśca bhūṣaṇayutaḥ khaḍgakheṭakadhārakaḥ || svastiṛdgādibhiśvādāvante caiva viśeṣataḥ | puṇyāhaṃ brāhmaṇaiḥ kāryyaṃ veda-vedāṅgapāragaiḥ || jaya-maṅgalaśabdādibrahmaghoṣaiḥ śuśobhanaiḥ | nṛtya-vādyādibhi rgītaiḥ sarvvaśobhāsamanvitaiḥ || svameyaṃ caindradigbhāge suvarṇaṃ tatra nikṣipet