Danakhanda 2.p16

2.p16

pūrṇāhutyādicai vaināṃ kriyāmatra samāpayet| sahasrakalaśādyaiśca saṃsnāpya parameśvaram | mahāpūjā ca karttavyā prabhūtahariṣānvitā| pañcāmṛtaiḥ pañcagavyaiḥ kṣīrādyaiḥ snapanantu vā| brāhmaṇān bhojayet paścātsulārohaṇamācaret || atra dakṣiṇādānāntaraṃ pūrṇāhutyādyuttaratantrasamāpanaṃ puṇyāha vācanañca kāryyamitimiddhiḥ sahasrakalaśaiḥ sahasranāmabhirīśānaṃ snāpayedityabhihitaṃ taduktaṃ liṅgapurāṇoktameva, nāmasahasramālikhyate, ṛṣaya ūcuḥ | nāmnāṃ sahasraṃ rudrasya nandinā brahmayoginā | kathitaṃ brahmavedārthaṃ sakalaṃ sūta suvrata | nāmnāṃ sahasraṃ viprāṇāṃ vaktumarhasi śobhanam || sūtauvāca | sarvvabhūtātmabhūtasya harasyāmitatejasaḥ | aṣṭottarasahasrantu nāmnāṃ sarvvasya suvrata || yajjaptvāca muniśreṣṭhogāṇapatyamavāpnuyāt | tadahaṃ saṃpravakṣyāmi sarvvapāpapraṇāśanam || oṃ sthiraḥ sthāṇuḥ prabhurbhīmaḥ prabhavo varadovaraḥ | sarvvātmā sarvvavikhyātaḥ sarvvakarmmakaro bhavaḥ || jaṭī carmo śikhaṇḍīca sarvvagaḥ sarvvabhāvanaḥ | hariśca hariṇākṣaśca sarvvabhūtaharaprabhuḥ || pravṛttiśca nivṛttiśca niyantāśāmanodbhavaḥ | śmaśānacārī bhagavān khacarīgocarodanaḥ || abhivādyomahākarmmā tapasvī bhūtadhāraṇaḥ | unmattaveṣaḥ pracchannaḥ sarvvalokaprajāpatiḥ || mahārūpomahākāyaḥ sarvvarūpo mahāyaśāḥ | mahātmā sarvvabhūtaśca virūpo vāmanonataḥ || lokapālo'ntarhitātmā prābhāsobhavanoruciḥ | pavitraśca mahāṃścaiva niyamoniyamāśritaḥ || sarvvakarmmādikarmmāṇa mādirādikaronidhiḥ | sahasrākṣo viśālākṣaḥ somodakṣaḥ sudhākaraḥ || candrasūryyāsanaḥ keturgrahoyahapatirmatiḥ | ādirājyo bhayaṃkarttā mṛgavāṇārpaṇonaghaḥ || mahātapoghoratapā ādarśyonaikasādhakaḥ | saṃvatsarānṛtomantraḥ pramāṇaṃ paramantapaḥ || yogācāryo mahāviṣṇo mahāratā mahābalaḥ | suvarṇaretāḥ sarvvajñaḥ suvījo vṛṣavāhanaḥ || daśavāhustvanimiṣonolakaṇṭha umāpatiḥ | viśvarūpasvayaṃśreṣṭho balavīro valāgraṇīḥ || gaṇakarttā gaṇapatirdigvāsā kāmyaeva ca | mantravit paramomantraḥ sarvabhāvakaroharaḥ† || kamaṇḍaludharo dhanvī vaṅgrahastaḥ kapālavān | aśanīśaḥ śataghnīśaḥ khaṅgavāṇāyudhomahān || ajaśca mṛgarūpaśca tejastejaḥkarovidheḥ | uṣṇīṣī vastravalkaśca uhaṅgo vinatastathā || dīrghaśca harikeśaśca sutīrthaḥ kṛṣṇaeva ca | śṛgālarūpaḥ sarvvārthomuṇḍaḥ sarvvaśubhaṅkaraḥ || siṃhaśārdūlarūpaśca gāndhārī ca kapardyapi | ūrddharetā ūrddhaliṅgī ūrddhaśāyī nabhastalaḥ || trijaṭī cīravāsāśca rudraḥ senāpatirdhruvaḥ