Danakhanda 2.p7

2.p7

agre mūle ca madhye ca hemapaṭṭena bandhayet | paṭṭamadhye prakarttavyamavalambanakatrayam || tāmraṇa vāpyarūpyeṇa āyaseneva kārayet | madhye corddhamukhaṃkāryyaṃ avalambaṃ suśobhanam | raśmibhistoraṇāgre vā badhnīyecca vidhānataḥ || jihvāmikāṃ tulāmadhye toraṇañca vidhīyate | uttarasyatu madhye 'tha śaṅku dvayamanuttamam | vitānenopariṣṭācca dṛḍhaṃ samyak prayojayet || sudṛḍhañca tulāmadhye mānamaṅgulamānataḥ | paṭṭasyaivatu vistāraḥ pañcamātrapramāṇataḥ || badhnīyāccakrapāśañca avalambena susthitam | śulvajo ca dṛḍho vidvān bandhanena tu kārayet || śikhyo'dhastātprakarttavyau pañcaprādeśavistarau || sahasreṇa tu kartavyau pañcaprādeśavistarau || sahasreṇa tu karttavyau palenādhārakāvubhau | śatāṣṭakenavā kuryyātpalānāṃ ṣaṭśatenavā || catustālapravistāraṃ madhyamaṃ parikīrttitam | sārddhatritālavistāro niyamaśca vidhīyate || pañcamātraṃ caturmātraṃ trimātraṃ phalamucyate | caturhārasamopetaṃ hāramaṅgulināya vā || kuṇḍalaiśra samopetaṃ ślakṣṇakhacchasamanvitaiḥ | kuṇḍale kuṇḍale kāryyaṃ śṛṅkhalāparimaṇḍalam || śṛṅkhalādhāravalayamavalambena yojayet | prādeśaṃ vā caturmātraṃ bhūmiṃtyaktvā valambayet || ghaṭo puruṣamātrau tu karttavyau śobhanāvubhau | dvihastavālukāpūrṇe śile tatra vinikṣipet || dvihastamātramavaṭau sthāpanīyau prayatnataḥ| śeṣaṃ sampūrayet vidvān bālukābhiḥ samantataḥ| yena niścalatāṃ gacchettena mārgeṇa kārayet