Danakhanda 20.p9
Dānakhaṇḍa 20.p9
- Language
- Sanskrit
20.p9
mahāratnasamākīrṇāṃ vasurudrārkasaṃyutāṃ | hemnaḥ palasahasreṇa tadarddhaṃ vātha śaktitaḥ || śatatrayeṇa vā kuryāddiśatena śatena vā | kuryātpañcapalādūrddhamaśaktopi vicakṣaṇaḥ || tulāpuruṣavat kuryāt lokeśāvāhanambudhaḥ | ṛtviṅmaṇḍapasambhārabhūṣaṇācchādanādikam || vedyāṃ kṛṣṇājinaṃ kṛtvā tilānāmupari nyaset | tathāṣṭādaśa dhānyāni rasāṃśca lavaṇādikān || tathāṣṭau pūrṇakalaśān samantātparikalpayet | vitānakañca kauśeyaṃ phalāni vividhāni ca || tathāṃśukāni ramyāṇi śrīkhaṇḍaśakalāni ca | ityevaṃ racayitvā tāmadhivāsanapūrvakam || śuklamālyāmbaradharaḥ śuklābharaṇabhūṣitaḥ | pradakṣiṇaṃ tataḥ kṛtvā gṛhītakusumāñjaliḥ
Linked texts (5)
- Matsya — Sanskrit
- Danasagara-ballalasenadeva (ed. Bhabatosh Bhattacharya) — Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit