Danakhanda 23.p1.4
Dānakhaṇḍa 23.p1.4
- Language
- Sanskrit
23.p1.4
yaḥ karttā jagatāṃ pātā brahmalokapitāmahaḥ | tvatsampradānāddeveśa śreyaśśāstu sadā mama || rakṣārthaṃ devadevānāṃ jagatāmapi śaṅkara | tvayā tu tripurandagdhaṃ sadā me saṃprasīda tat || udetyastamanaṃ yāti nityaṃ pāti jagatrayaṃ | pratyakṣaṃ sarvvalokānāṃ yo'sau me saṃprasīdatu || sṛṣṭisthitivināśānāṃ kāraṇañjagatāmasau | hiraṇyagarbho bhagavān sadā me saṃprasīdatu || ityevameva vidhibhirddija puṅgavānām pratyekamekañca yathā krameṇa | dadyāttadā gurave dakṣiṇāṃ ca vāsaḥ suvarṇādadhikaṃ suvarṇaṃ || kṛtvā saptaddīpaparyyantabhūmiṃ dattvā devān jātarūpān krameṇa | dadyāttasmai gurave dānaśeṣaṃ sāṅgopāṃgañcānyavastrādi sarvvaṃ || ādāvante pañcabhirvipravaryyaiḥ puṇyāhañca svastiṛddhiśca vācyaṃ| dadyāttebhyo dakṣiṇāṃ jātarūpaṃ vāsodhāmyaṃ bhojayedbrāhmaṇāṃśca || saptaddīpāhvayaṃ dānamevaṃ kṛtvātha nārada | nārī vā puruṣovātha vairiñciṃ lokamāpnuyāt || uvāca nāradāyaivaṃ bhagavān lokabhāvanaḥ| yathā mayā pi tadbhavaṃ proktaṃ vai munisattamāḥ
Linked texts (4)
- Brahmapurāṇa — Vyāsa, Sanskrit
- Revākhaṇḍa (Vāyupurāṇa) — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit